پەنابەرە كوردەكە كتێبەكەی بە زمانی هۆڵەندی بڵاو دەكاتەوە


ژیان: 
ئەو پەنابەرە كوردەی لە ناو كەمپەوە كتێبێكی لە بارەی پرسی كوردەوە نوسی رۆژی چوار شەممە بڵاو دەبێتەوە و چەند ناوەندێكی هۆڵەندیش لەو بارەیەوە چالاكی ئەنجام دەدەن. 

بەھرۆز بوچانی، پەنابەرێكی كوردە و لە كەمپدا كتێبێكی نوسیوە بە ناوی ”جگە لە شاخەكان ھاوڕێیەكی تر نییە“ ڕۆژی چوار شەمەی داھاتوو، 6ی تشرینی دووەم بە زمانی ھۆڵەندی بڵاودەبێتەوە. 

ڕادیۆی ڤی پێ رۆ و ڕێكخراوی چالاكیی ئەدەبیی ئەمستردام و دەزگای چاپ و پەخشی یورگن ماس، لە شاری ئەمستردام ئێوارەیەك ڕێكدەخەن.

رادیۆكە كە گەورەترین رادیۆی هۆڵەندیە ماوەی ٤٥ خولەكی بەرنامەیەكی تایبەت كردووە بە كێشەی وەرگرتن و مەماڵەكردنی پەناھەندە لە وڵاتە ئەوروپییەكاندا. 

ئەو پەنابەرە كوردەی رۆژهەڵاتی كوردستان كە ئێستا لە كەمپێكە دورگەی مانوسی ئوسترالییەوە بە ئینتەرنێت بۆ ئامادەبوان قسەدەكات. دواتر وەرگێڕی یەكەمی كتێبەكە بۆ زمانی ئینگلیزیی و من لەسەر كتێبەكە بە گشتیی و لەسەر ئەدەبیاتی كوردیی ھاوچەرخ قسەدەكەین.

بەھرۆز بوچانی بۆ داواكردنی پەناھەندەیی ڕوو لە ئوسترالیا دەكات، كەچی حكومەتی ئوسترالیا لەگەڵ ٤٠٠ كەسێكی دیكەدا لە لە كەمپێكدا ماوەی شەش ساڵە جێگیر كراوە، ئەم كتێبە بەسەرھاتی ژیانی سەختی ئەو كەسانە و ئەو دورگە داخراوە دەگێڕێتەوە. ژیانێك كە بەسەدەھا شێوە بریندار و بێنرخ كراوە.