پاریس نیگەرانە لە هەوڵەكانی ریاڵ مەدرید


ژیان:
بەرێوەبەری وەرزشی یانەی پاریس سانجێرمان نیگەرانە لە زیدان و یانەی ریاڵ مەدرید بەهۆی ئەوەی هەوڵێكی زۆر دەدەن بۆ گواستنەوەی مباپێ و داواش دەكات ئەو هەوڵانەیان رابگرن. 

لیۆناردۆی بەرێوەبەری وەرزشی یانەی پاریس سانجێرمانی فەڕەنسی رایگەیاند ''هەوڵەكانی ریال مەدرید و زینەدین زیدانی راهێنەری ئەم یانەیە بۆ رازیكردنی كلیان مباپێ ئازارمان دەدات، بەڵام ئەو یاریزانە هیچ كاتێك بە ئێمەی نەوتووە كە ئارەزووی یاریكردنی بۆ شاهانەكان هەیە و دڵنیاشم تا ئەو كاتەی گرێبەستی لەگەڵ ئێمە هەیە لە یانەكەمان ناڕوات".

ئەو بە ئاشكرا وتی كە ئێستا كاتی ئەوە نیە یانەكانی دیكە ئەو هەوڵانە بۆ یاریزانەكانمان بدەن، پێویستە چاوەڕێ بكەن وەرز كۆتایی بێت، یاخود گرێبەستی یاریزان كۆتایی بێت، ئەو كات هەوڵەكانیان دەست پێ بكەن.

لیۆناردۆ وتیشی: من هیچ كاتێك لەو یاریزانەم نەبیستووە كە وتبێتی ئارەزووی یاریكردنی بۆ ریال مەدرید هەبێت و هیچ كاتێكیش لەسەر ئەم بابەتە قسەمان نەكردووە، دڵنیام ئەوانە هەمووی دەنگۆیە و داواش لە ئێوەی میدیاكار دەكەم چیدیكە باس لەم بابەتە نەكەن.