بومەلەرزەیەکی بەهێز لە ئێران رویدا و پێنج کەس گیانیان لەدەستدا


ژیان:
بەیانی ئەمڕۆ هەینی بوومەلەرزەیەک لە باکوری رۆژئاوای ئێران رویدا و بەهۆیەوە پێنج کەس گیانیان لەدەستدا و نزیکەی 300 کەسیش برینداربوون.

بە گوێرەی میدیاکانی ئێران بوومەلەرزەکە  لەکاژێر 02:17 خولەک  بە گوڕی 5.9 پلەی ریختەر باکووری رۆژئاوای ئێرانی هەژاندوە بە هۆیەوە چەندین خانوو باڵەخانە رووخاون.

بە پێی ئامارە سەرەتاییەکانیش پێنج کەس گیانیان لەدەستداوە و  نزیکەی 300 کەسیش برینداربوون، هەروەها بوومەلەرزەیەک بە گوڕی 4.8 پلەی رێختەر پیرانشاری لە رۆژهەڵاتی کوردستان هەژاندووە، بەڵام تاوەکو ئێستا زیانەکانی نەزانراون.