پەرلەمانی عێراق بۆ دەنگدان لەسەر قۆناغی سێیەمی پرۆژەی چاکسازییەکان کۆدەبێتەوە


ژیان:

وا بریارە سبەینێ پەرلەمانی عێراق کۆببێتەوە لەسەر چەند پرسێک گفتوگۆ بکات کە گرنگترینیان دەنگدانە لەسەر قۆناغی سێیەمی پرۆژەی چاکسازییەکان.

بڕیارە کاتژمێر ١:٠٠ سبەینێ شەممە پەرلەمانی عێراق کۆببێتەوە بۆ دەنگدان لەسەر قۆناغی سێیەمی پرۆژەی چاکسازی و هاوکات گفتوگۆ لەسەر یاسای هەڵبژرادنەکان و یاسای خانەنشینی و هەڵوەشاندنەوەی ئیمتیازات و دەرماڵەی فەرمانبەران دەکرێت.

لە رۆژی ٢٥ی مانگی رابردووەوە خۆپیشاندان و ناڕەزایی لە بەشێکی زۆر لە شارەکانی عێراق بەردەوامی هەیە، لە ژێر فشاری خۆپیشاندەراندا حکومەت دوو قۆناغی چاکسازی راگەیاندوە.