سبەینێ شەو ڕێگای کەلار - دەربەندیخان دەکرێتەوە


ژیان:
قائیمقامیەتی کەلار رایگەیاند، کارکردن و قیرتاوکردنی ڕێگای (کەلار - دەربەندیخان) تەواو بووە، سبەینێ شەو رێگاکە دەکرێتەوە.

قائیمقامیەتی قەزای کەلار لە راگەیەندراوێکدا بڵاویکردوەتەوە، هەرچەندە بڕیار بوو ئەمڕۆ ڕێگای سەرەکی ( دەربەندیخان - کەلار ) بکرێتەوە بەڵام لەبەر ئەوەی کۆمپانیای جێ بەجێ کاری پڕۆژەی دووساید کردنی ڕێگای ( کەلار - دەربەندیخان )ئەو ڕێگا داخستنەیان بە هەل زانیوەو لەناوچەی قەترە چەند گرت و تەپۆلکەیەکی کەنار شەقامەکەیان تێک ڕوخاندوە بەمەبەستی فراوان کردنی.

قائیمقامیەتی ئاماژەی بەوەشکردوە، هەر بۆیە ئاگاداریان کردین کە ڕێگاکە گیراوەو نەتوانراوە پاک بکرێتەوەو بەیانی تەواوی شەقامەکە پاک دەکرێتەوەو تەواو دەبێ و ڕێگای سەرەکی بۆ سبەینێ شەو دەکرێتەوە .