شەش سالە چارەنڤیسێ فروكخانەیا دهۆك نەیێ دیار


ژیان: عەلی حسێن
 دهوك ئەو پارێزگەهـ یا قەیرانا دارایی یا هەرێمێ زورترین پروژەێن وێ یێن ستراتیچی راوەستاندی‌و ژ مەزنترین پروژان ژی فروكخانەیا دهوك كو بەرێ بنیاتێ وێ ل سالا 2012هاتە دانان ژلایێ نێچیرڤان بارزانی سەروكێ وی دەمی یێ حكومەتا هەرێمێ ڤە وپلان‌و بریار بوو ل سالا 2015 ب دوماهیك بهێت لێ سال 2019یە‌و ب تنێ 10% كار د پروژەیدا هاتیە كرن.

 فهیم عبدللە، سەروكێ ئەنجومەنێ پارێزگەهێ  بو ژیان "بابەتێ فروكانەیا دهۆكی هاتیە گرێدان ب بابەتێ نەبونا پارەی ڤە‌و گیروبونا وی ژی ژ ئەگەرێ درێژ بونا قەیرانا دارایی بویە‌و مە وەك جڤاتا پارێزگەها دهۆكێ گەلەك دیڤچوون بو ڤی بابەتی كرینە بابەت نوكە ل هەولێری یە‌و هەر دەما پارە هەبن دێ هێتە جێبەجێكرن.

وەزارەتا پلاندانانێ دبێژێت، بهیچ شێوەیەكی مە ئاگەهـ ژ پروژەیێ فروكخانەیا دهوك نینە.

عوسمان یونس، جێگرێ پارێزگارێ دهوكێ بو كاڕوبارێن هونەری بو ژیان گوت "پروژەیێ فروكخانەیا دهوك تا ۱۰%  مە وەك پارێزگەهـ دیڤچون لسەر دكر پاشان بو وەزارەتا پلان دانانێ هاتیە فەگوهاستن".

ژورا بازرگاینی: فروكخانەیا دهوكێ پروژەیەك زوڕ گرنگە بو بازرگان‌و فەلفینا كەرتێ بازرگانی ل پارێزگەها 

عوسمان یونس دیاركر ژی : مە وەك پارێزگەها دهوكێ گەلەك پێكول كرینە بەلێ بابەت ب قەیرانا دارایی ڤە هاتیە گرێدان بەلێ وەك پارێزگەهـ هەتا نوكەژی داكوكیێ لسەر دورستكرنا فروكخانەیا دهوكێ دكەین چونكی دەرگەهێ سەرەكیە بومە كو بشێین گەشتیار‌و بازرگانان بهینە دهوكێ.

محسن دوسكی، ئەندامێ پەرلەمانێ كوردستانێ سەباڕەت بابەتێ فروكانەیا دهوك بو ژیان گوت "مە وەك پەرلەمانتارێن پارێزگەها دهوكێ یاداشتەك دایە سەروكاتیا پەرلەمانی‌و تێدا بەحس ل گرنگا فروكحانەیا دهوكێ كریە‌و مە داخاز كریە كو هەماهەنگیێ دگەل حكومەتێ بكەت لسەر ڤی بابەتی، بەلێ هەر بابەتەكێ رەهەندا دارایێ هەبیت دڤێت پێش وەخت بەحس دگەل حكومەتێ بهێتەكر چونكێ گەلەك یاسا پەرلەمانی دەرئێخستینە‌و رەهەندا دارای هەبویە‌و حكومەتێ جێبەجێ نەكرینە مەژی بریار دایە ئەڤ جارە د راستگوبین دگەل خەلكی‌و چ مزایەدا نەكەین.

 محسن دوسكی دیاركر، ژی مە وەك پەرلەمانتارێن پارێزگەها دهۆكی زور هەول داینە‌و دگەل سەروكێ هەرێمێ  بەحس ل گرنگیا ڤی باباتی كریە‌و سەروكێ هەرێمێ سوز دایە كو دگەل حكومەتێ گەنگەشەیا ڤی بابەتی بكەت.

ئەیاد حسن، بەرپرسێ ژورا بازرگاینی ل پارێزگەها دهۆكێ سەبارەت گرنگیا فروكخانەیێ بو كەرتێ بازرگانی بو ژیان گوت، فروكخانەیا دهوكێ پروژەیەك زوڕ گرنگە بو بازرگان‌و فەلفینا كەرتێ بازرگانی ل پارێزگەها دهوكێ كو هەمێ بواران بخوەڤە دگریت چ لكەرتێ گەشت ۆ گوزاری بیت یان كەرتێ وەبەرهێنانی.

بابەتێ فروكانەیا دهۆكی هاتیە گرێدان ب بابەتێ نەبونا پارەی 

ئەیاد حسن گوت، ژی د پلانا مەدایە پارێزگەها دهۆك بكەینە سەنتەرەكێ بازرگانی بو هەمی عیراقێ ژبەر هندێ ژی گرنگیا فروكخانەیێ ژلایێ ئابوری ڤە گەلەكە‌و ئەڤ هەمی كەرتێن هەنێ دێ مفای ژی بینن،‌و ئینانا كەڕەستەیان ب رێكا فروكخانەیا دهوكێ بارسفكیەكە بو بازرگانان‌و وەسا دێ بازار ژی ئەر زان بیت.

 فروكخانەیا دهوك دكەڤیتە قەزایا سێمێلێ‌و لسەر روبەرێ 6000 دونەمێن ئەردی ژ لایێ كومپاینا دار الهندسە یا لوبنانی هاتیە دیزاینكرن‌و ژلایێ كومپاینا ئینشۆ یا كورێ چاڤدێری لسەر دهێتە كرن‌و كومپاینا جەنگیز‌و ماكیول جێبەجێ دكەن‌و هەتا 10% ژلایێ پارێزگەها دهۆكێ چاڤدێری لسەر دهاتەكرن پاشان بو وەزارەتا پلان دانان هاتیە ڤەگوهاستن‌و تێچویێ پروژەی 500 ملیون دولارێن ئەمریكی یە‌و ئەڤە بو دەما 6 سالانە پروژە راوەستیایی مایە.