هەسەدە شانەیەکی نوستووی داعشی دەستگیرکرد

دەستگیرکراوەکان

ژیان:

هێزەکانی سووریای دیموکراتیک ڕایگەیاند، لە ئۆپەراسیۆنێکی تایبەتدا هێزەكانی ئاسایشی سەربازی، لە ناوەندی شاری ڕەققە، شانەیەکی نووستوی داعشی بە بڕێکی زۆر تی ئێن تی وچەک وتەقەمەنی دەستگیرکردوە.

ناوەندی راگەیاندنی هێزەکانی سوریای دیموکراتیک- هەسەدە، ئەمڕۆ شەممە لە بەیاننامەیەكدا رایگەیاند، رۆژی ٨ی ئەم مانگە لە شاری ڕەققە، یەکینەکان ئاسایش، دوای چاودێرییەکی درێژ شانەیەکی نوستووی داعش-یان دەستگیرکردوەە کە پێکهاتبون لە شەش ئەندام كە لەنێویاندا كەسێكی عێراقی هەیە.

ئاماژە بەوەشکراوە، ئامانجی ئەو شانە نووستوەی داعش ئەنجامدانی تەقینەوەو دروستكردنی نائارامی و تێكدا ئاسایشی ناوچەكە بووە.

هەر لە راگەیەندراوەکەدا هاتووە: لەگەڵ دەستگیركردنی ئەو شەش كەسە، چەند ژنێكیش لەوانەی بەم دواییە لە كەمپەكان هەڵهاتبون دەستگیركراون.

لە ئۆپەراسیۆنەکەشدا دەستگیراوە بەسەر 2٢٩9 فەردە تی ئێن تی، ٦٣ مین، ٣ پشتێنی خۆکوژی، ٢٨ بۆمبی دەستی، چەکێکی جۆری کالاشینکۆف، دو چەکی جۆری AKS، سێ مەخزەنی کلاشینکۆف و ٥٠ گولـلە و سێ دەمانچە.