سامیۆل ئیتۆ: دەمەوێت یەكەم راهێنەری رەش پێست بم چامپیۆنس لیگ بۆ بەرشەلۆنە بەرمەوە


ژیان: 
ساموێل ئیتۆ، كاپتنی پێشووی هەڵبژاردەی كامیرۆن ئەستێرەی یانەی بەرشەلۆنە یەكێك لە باشترین هێرشبەرانی مێژووی یانەكە هێشتا دڵی لای یانە كۆنەكەیەتی و حەزدەكات جارێكی دیكە نازناوی چامپیۆنس لیگ بەرێتەوە. 

ناوبراو ئەوەشی راگەیاند: رۆژێك لە رۆژان دەبمە راهێنەری بارسێلۆنا و بە شێوازی پێپ گواردیۆلا یاری دەكەم، دەمەوێ ببمە یەكەم راهێنەری رەشپێست چامپیۆنس لیگ بۆ بەرشەلۆنە ببەمەوە.

ئیتۆ كە لە ساڵی 2004 وە پەیوەندی بە ریزەكانی بەرشەلۆنەوە كرد و لە 2006 نازناوی چامپیۆنس لیگی بردەوە و ئیتۆ گۆڵێكی لە یاری كۆتاییدا لە ئارسیناڵ كرد، دواتریش لە 2009 جارێكی دیكە هەمان نازناوی بردەوەو لە یاری كۆتاییدا گۆڵێكی لە مانچیستەر یونایتد تۆماركرد.