پەرواز گۆرانی بۆ دۆخی شێواوی دەڵێت

په‌رواز حوسێن

ژیان:
خانمه‌ گۆرانیبێژی كورد "په‌رواز حوسێن"، به‌م زوانه‌ نوێترین ڤیدیۆ كلیپی خۆی به‌ ناوی(ماذا جري) بڵاو ده‌كاته‌وه‌.

په‌رواز حوسێن له‌ هه‌ژماری تایبه‌تیی خۆی، له‌ تۆڕی كۆمه‌ڵایه‌تیی (ئینستاگرام) له‌گه‌ڵ بڵاوكردنه‌وه‌ی دوو وێنه‌ی كاتی كلیپكردنی گۆرانییه‌كه‌ی، نووسیویه‌تی" سامی ئه‌رگووشی تێكستی گۆرانییه‌كه‌ی نووسیوه‌ و هه‌ڵكه‌وت زاهیر ئاوازی بۆ ئاماده‌ كردووه‌، بڕیار فه‌تاح كاری ده‌رهێنانی بۆ ڤیدیۆ كلیپه‌كه‌ كردووه‌".

هەروەها ئاماژەی بەناوەڕۆكی گۆرانیە كردوەو دەڵێت" گۆرانییه‌كه‌ باسی ڕه‌وشی ئه‌منیی ئه‌و وڵاتانه‌ ده‌كاته‌ كه‌ شێواون، هیوادارم له‌ خه‌م و ئازاری ئه‌و وڵاتانه‌ كه‌م بكه‌ینه‌وه‌ كه‌ ڕه‌وشی ئه‌منیان ناله‌باره‌".

په‌رواز حوسێن هاوسه‌ری گۆران ساڵح، هونه‌رمه‌ند و مامۆستای په‌یمانگای هونه‌ره‌جوانه‌كانه‌، له‌ ڕێگه‌ی به‌شداریكردنی له‌ به‌رنامه‌ی ئه‌ره‌ب ئایدڵ ناوبانگی له‌ هه‌رێمی كوردستان و ڕۆژهه‌ڵاتی ناوه‌ڕاست په‌یدا كرد، خاوه‌نی چه‌ندین گۆرانی و ڤیدیۆ كلیپه‌.