مەزڵوم کۆبانێ: لەگەڵ سەردانی ئەردۆگان بۆ واشنتن تورکیا هێرشی کردوەتە سەر رۆژئاوای کوردستان


ژیان:
فەرماندەی گشتی هێزەکانی سوریای دیموکرات(هەسەدە) رایدەگەیەنێت، لەکاتی کۆبوونەوەی تەرمپ و ئەردۆغان لە واشنتن تورکیا هێرشی کردوەوە سەر رۆژئاوای کوردستان.

دۆناڵد ترەمپ، سەرۆکی ئەمریکا دوێنێ لە کاتی پێشوازیکردنی لە رەجەب تەیب ئەردۆگان سەرۆک کۆماری تورکیا رایگەیاند، تورکیا پابەندی ئاگربەستەیەکەیەتی لە رۆژئاوای کوردستان، مەزڵوم کۆبانێ-ش دەڵێت" لەکاتی کۆبوونەوەی ترمپ و ئەدۆگاندا تورکیا هێرشیکردووەتە سەر تەل تەمر لە رۆژئاوای کوردستان و ئاگربەستی جێبەجێنەکردوە.

مەزڵوم کۆبانێ، فەرماندەی گشتی هێزەکانی سووریای دیموکرات لە تویتێکدا ئاماژەی بەوە کردووە، بەهۆی هێرشەکانی تورکیاوە ژمارەیەکی زۆر لە هاوڵاتیان ئاوارەبوون و ئەمەش پێشلکارییەکی روون و ئاشکرایە بەرامبەر رێکەوتنی ئاگر بەست، لەدوای راگەیاندنی ئاگربەس تا ئێستا تورکیا هەزار و 100 کیلۆمەتری لە ناوچەکە داگیرکردووە.

دوێنێ، رەجەب تەیب ئەردۆگان سەرۆک کۆماری تورکیا بە سەردانێک گەیشتە واشنتن، شەوی رابردووش لەگەڵ دۆناڵد ترەمپ لە کۆشکی سپی کۆبووەوە، دوای کۆبوونەوەکەش لە کۆنگرەیەکی رۆژنامەوانیدا رایانگەیاند، کۆبوونەوەکەیان بەرهەمداربووە.