بەسرە؛ خۆپیشاندەران کێڵگەیەکی نەوتیان داخست

بەسرە

ژیان:

خۆپیشاندانەکان لە پارێزگاکانی عێراق بەردەوامە و لەوچوارچێوەیەشدا لەپارێزگای بەسرە بەندەری ئوم قەسر و کێڵگەیەکی نەوتیی لەو پارێزگایە لەلایەن خۆپیشاندەرانەوە داخرا.

میدیا عێراقییەکان ئاشکرایان کردووە: سەرلەبەیانی ئەمڕۆ شەممە خۆپیشاندەران جارێکی دیکە ڕژانەوە سەرشەقامەکان لە پارێزگای بەسرە و خۆپیشاندەران كێڵگه‌ی نه‌وتی مه‌جنون-یان داخست.

ئاماژە بەوەشکراوە: خۆپیشاندەران دەڵێن، تا داواكارییه‌كانیان جێبه‌جێ نه‌كرێت، واز له‌ هه‌ڵكوتانه‌سه‌ر كێڵگه‌ نه‌وتییه‌كان ناهێنن و بەردەوام دەبن لە چالاکییەکانیان.

ئەوەشخراوەتەڕوو: خۆپیشانده‌رانی شاری به‌سره‌ له‌ باشووری عێراق رێگه‌یان به‌ ئۆتۆمبیله‌ بارهه‌ڵگره‌كان نه‌داوه‌ بچنه‌ به‌نده‌ری ئوم قه‌سر و ڕێگەکەیان داخستووە.
ئەوەش لەکاتێکدایە، شەوی ڕابردوو لە بەغدای پایتەختی عێراق چەند تەقینەوەیەک ڕوویدا و بەوهۆیەوە ٤ کەس گیانیان لەدەستدا و ٢٠ کەسی دیکەش بریندار بوون.