میران بەرهەمە تازەكەی بڵاودەكاتەوە

میران عەلی

ژیان:

گۆرانیبێژی لاو "میران عه‌لی"، ئاشكرایكرد به‌م زوانه‌ نوێترین گۆرانیی خۆی به‌ ناوی (دایك) بڵاو ده‌كاته‌وه‌.

 میران، له‌ هه‌ژماری تایبه‌تیی خۆی، له‌ تۆڕی كۆمه‌ڵایه‌تیی (ئینستاگرام) له‌گه‌ڵ بڵاوكردنه‌وه‌ی به‌شێك له‌ گۆرانییه‌كه‌، نووسیویه‌تی" گۆرانییه‌ك كه‌ پڕ به‌ دڵ بۆ دایك گوتراوه‌، پێشكه‌شی دایكی خۆم و دایكی هه‌موو دونیای ده‌كه‌م".

هەروەها نوسیویەتی" ئه‌و به‌رهه‌مه‌م زۆر خۆش ده‌وێت، دڵنیام ئێوه‌ش خۆشتان ده‌وێت، به‌م زوانه‌ بڵاوی ده‌كه‌مه‌وه‌".

میران عه‌لی خه‌ڵكی سلێمانییه‌، خاوه‌نی چه‌ندین گۆرانی و ڤیدیۆ كلیپه‌، كلیپه‌كانی له‌ تۆڕه‌ كۆمه‌ڵایه‌تییه‌كاندا بینه‌رێكی زۆریان هه‌یه‌.