بەهۆی كێشەیەكی كۆمەڵایەتی لە كفری چوار كەس بونە قوربانی


ژیان: 
ئێوارەی ئەمڕۆ شەمە لە گوندێكی شارۆچكەی كفری هێرش كراوەتە سەر چەند كەسێك بەوهۆیەوە كەسێك كوژرا و سێ كەسی تریش بریندار بووە .

مقەدەم عەلی قدروی، وتەبێژی پۆلیسی گەرمیان، ڕاگەیاند" ئێوارەی ئەمڕۆ لە گوندێكی ناحیەی سەرقەڵای سەر بە شاری كفری هێرش كراوەتە سەر چەند كەسێكی یەك بنەماڵە، بەهۆیەوە كەسێك كوژراوە و سێ كەسی تریش بریندا بووە. 

ناوبراو رونیكردەوە  برینی دوانیان سەختە و بریندارەكانیش یەكێكیان برای كوژراوەكەیە و دوانەكەی تریش ئامۆزای كوژراوەكەن، لەئێستا كەس و كاری كوژراوەكە سكاڵایی یاسایان لەسەر چەند كەسێك تۆمار كردوە و پۆلیسیش بەدوای ئەو تۆمەت بارانە دەگەرێت".

وتەبێژی پۆلیسی گەرمیان لە بارەی هۆكاری روداوەكە ئاماژەی بەوە كرد كە " بەپێی زانیاریە سەرەتایەكان پێدەچێت لەسەر كێشەیەكی كۆمەڵایەتی كۆن بووبێت".