راهێنەری بەرشەلۆنە دەنگمداوە بە باشترین یاریزانی جیهان


ژیان: 
ئەرنستۆ ڤالڤێردی، راهێنەری یانەی بەرشەلۆنە لە بارەی یاریەكەی سبەی شەوی یانەكەی بەرامبەر ئەتلەنتیكۆ مەدرید رایگەیاند: بە بەهێزی هێرش دەبەن، پێموایە یارییەكی قورس دەبێت هەر وەك یارییەكانی رابردوو كە روبەرویان بوینەتەوە. 

ئەو رونیدەكاتەوە لەدوو یاریی رابردوو لە یاریگای ئەتلەتیكۆ، ئەوان پێشكەوتون و ئێمە هەوڵی یەكسان بونەوەمانداوە، بردنەوە لە واندا میترۆپۆلیتانۆ خاڵێكی گرنگ دەبێت بۆ ئێمە پێش كۆتایی هاتنی ساڵ. 

راهێنەری بەرشەلۆنە باس لەوە دەكات كە لەدەرەوەی كامپ نو "ئەنجامەكانمان زۆر باش نین، بەڵام پێموایە یاریی باشمان كردوە، پێویستە ئەم یارییە ببەینەوە"
ئەولەبارەی پێكان و رەوشی عوسمان دیمبلیەوە دەڵێت "قسەم لەگەڵ دیمبلی كرد، ئەو ئێستا لەسەرخۆیە، لەگەڵ ئەوەی كارەساتێكی ناخۆشی بەسەر هاتوە، بەڵام یاریزانە یەدەگەكان بە باشی شوێنەكەیان پركردەوە، یاریزانی لاوانمان هەیە بۆ ئەوەی جێگەی دیمبلی بگرێتەوە، ئەوان بە باشی وەڵامیان هەبوە لەكاتی پێكانی ئەستێرەكاندا".

راهێنەرەكەی بەرشەلۆنە باس لە دواین رەوشی ئەو ئەستێرەیەی یانەكەی دەكات و دەڵێت "دیمبلی بەشێوەیەكی باش پێگەیشتبوو، لەسەر خۆ بوو راهێنانی باشی ئەكرد، بەڵام ئەو روداوە چاوەروان نەكراو بوو"

لەبارەی ئۆمتیتیشەوە دڵخۆشە بە ئاستەكەی و بۆ گریڤمانیش دەڵێت ورە و ئاستێكی بەرزی هەیە بەتایبەت بۆ یاریەكەی شبەی شەو،رایتیچیش بە چەكێكی بەهێ.ی یانەكە دەزانێت لەسەر كورسی یەدەگ. 

ڤالڤێردی دەشڵێت: من گرنگی نادەم بە ئاهەنگ و بۆنەكان، بەڵام دەنگی من وەك دەنگی هەموو كەسێك وایە، دەنگ دەدەم بە باشترین یاریزانی جیهان كە هەمومان دەزانین كێیە