کچێکى دیکەى ئێزیدى رزگار کرا


ژیان:

بەرپرسی نووسینگەی ڕزگاركردنی ڕفینراوانی ئێزدی ڕایدەگەیەنێت: كچێكی كوردی ئێزدی لە چنگی ڕێكخراوی داعش ڕزگار كرا، كە لە مانگی ئابی 2014وە كەوتبووە دەستی چەكدارانی ڕێكخراوەكە.

ئەمڕۆ چوارشەممە، حسێن قائیدی، بەرپرسی نووسینگەی رزگارکردنی رفێندراوانی کوردانی ئێزدی رایگه‌یاند" نووسینگەکەمان توانیویەتی، رەنا نەواف عەباس، کە تەمەنی 17 ساڵە و خەڵکی خانەسۆرە، رزگار بکات".

ئاماژەی بەوەشکرد؛ ئەوان لە نووسینگەی ڕزگاركردنی ڕفینراوانی ئێزدی، پلان و میكانزیمی نوێیان هەیە بۆ ڕزگاركردن و سەرەڕای هەموو بەربەستەكان بەردەوامن لە ڕزگاركردنی ئەو ڕفێندراوانە".

ره‌نا له‌ 3ی ئابی 2014  لەگەڵ هەزاران کچی دیکەى شنگال كه‌تووه‌ته‌ ده‌ست رێكخراوی داعش كه‌ ته‌مه‌نی 12 ساڵان بووه‌.

ئەمەش لەكاتێكدایە، كە دوێنێ‌ بە هەمان شێوە هێزە ئەمنییەكان لە پارێزگای ئەنبار، ڕزگاركردنی كچێكی تری ئێزدییان ڕاگەیاندبوو.