ڕووسیا هێزی زیاتر ڕەوانەی قامیشلۆ دەكات


ژیان:
روسیا هێزی زیاتر ڕەوانەی فڕۆكەخانەی سەربازیی قامیشلۆ دەكات و وەفدێكی ئەمنی حكومەتی دیمەشقیش دەچێتە ئەو شارە.

شەوی ڕابردوو، روسیا هێزێكی سەربازیی لە شارۆچكەی عەین عیسا لە ڕیفی ڕەققە، بەرەو فڕۆكە خانەی سەربازیی قامیشلۆ لە باكوری حەسەكە گواستووەتەوە، ئەوەش بۆ شوێنگرەوەی هێزەكانی ئەمریكا، كە لە ٢١ی تشرینی یەكەم لە ناوچەكە كشانەوە.

سەرچاوەیەكیش لە حكومەتی دیمەشق رایگەیاندوە، لیوا (عەلی مەملوك) بەرپرسی ئاسایشی نیشتیمانی سوریا، لە قامیشلۆ لەگەڵ چەند فەرماندەیەكی هێزەكانی سوریای دیموكرات كۆبووەتەوە و بە پێی زانیارییەكان، (عەلی مەملوك) داوای لە هۆزە عەرەبەكان كردووە، لەناو هێزەكانی هەسەدە بكشێنەوە لەگەڵ سوپای سوریا خۆیان ڕێكبخەنەوە.