ئەمیری كۆمەڵی ئیسلامی رەخنە لە هەنگاوەكانی چاكسازی دەگرێت


ژیان: 
ئەمیری كۆمەڵی ئیسلامی كوردستان سەبارەت بە چاكسازیی لە هەرێمی كوردستان و ئەو وتارەی سەرۆكی حكومەت تیالیدا رایگەیاند: چاكسازیی تەنیا ئەوە نییە بە قسە بوترێ.

عەلی باپیر كۆمەڵی ئیسلامی رایگەیاند: چاكسازی دەبێت بە كردەوەبێت و ئەوانەی دەڵێن چاكسازیی دەكەین، پێویستە لە خۆیانەوە دەستپێبكەن و دەستبەرداری ئیمتیازەكانیان ببن.

ناوبراو وتیشی:  كورد دەڵێ بە وتنی حەڵوا حەڵوا دەم شیرین نابێ. بۆ چاكسازییش هەروایە ئەم هەنگاوە گرنگە تەنیا بە قسە نییە، بەڵكو دەبێ بكرێتە عەمەل و بەرپرسان لە خۆیانەوە دەستپێبكەن، دەبێ دەستبەرداری ئەو ئیمتیازانەبن كە بەشی زۆری بە ناڕەوا كۆیان كردووەتەوە.

ئەو لە پانێلیكدا رەخنە لە بەرپرسانی حكومی و حزبی دەگرێ كە زۆر كەم پابەندی یاسا دەبن و و رۆژانە لەسەر شەقام و ترافیكەكاندا، هەموو كەس ئەو یاساشكێنییەی بەرپرسان دەبینێ. لە كاتێكدا دەبێ ئەوان یەكەم كەسبن بۆ پابەندبوون بە یاساوە.