وەجبەی دووەمی ئەم دەرماڵەیە دابەشدەکرێت

ئاگاداریی بۆ ئەم کەسانە

ژیان:

بەڕێوەبەرایەتی گشتی كاروباری شەهیدان و ئەنفالكراوانی سلێمانی ڕایگەیاند:  دەست بە خەرج كردنی وەجبەی دووەمی دەرماڵەی خوێندن و نیشتەجێبوون و هاتووچۆ بۆ خوێندكارانی كچ و كوڕی شەهیدان خەرجدەكرێت.

ئەمڕۆ یەکشەممە لە راگەیەندراوێکدا؛ بەڕێوەبەرایەتی گشتی كاروباری شەهیدان و ئەنفالكراوانی سلێمانی دەڵێت: سبەینێ‌ دوو شەممە وەجبەی دووەمی دەرماڵەی نیشتەجێبوون و هاتووچۆ بۆ سەرجەم زانكۆ و پەیمانگاكان، لەگەڵ كرێی خوێندنی زانكۆی هەڵەبجە بۆ ساڵی 2017-2018 خەرج دەكرێت.

هەر لە راگەیەندراوەکەدا هاتووە "داوا لە خوێندكارانی سەربەرزی كەسوكاری شەهیدان و ئەنفالكراوان دەکەین، بۆ دەرماڵەی نیشتەجێبوون و كرێی خوێندنی زانكۆی هەڵەبجە سەردانی بەشی پەروەردەی سەر بەڕێوەبەرایەتی گشتیمان بكەن."