خەزعەلی هەڕەشە لە ئیمارات و سعودیە دەکات


ژیان:

ئەمینداری گشتی گروپی عەسائیبی ئەهلی حەق هەڕەشەی توند لە ئیمارات و سعودیە دەکات و دەڵێت: ئەوان سزای خۆیان وەردەگرن لەبەرامبەر تێکدانی ڕەوشی عێراق.

ئەمڕۆ یەکشەممە قەیس خەزعەلی ڕایگەیاندووە "دەبێ ئیمارات و سعوودیە باجێكی گەورە بدەن، چونكە دەستیان چووەتە خوێنی هاوڵاتیانی عێراق لە كاتی خۆپێشاندانەكاندا".

لەبارەی دانانی سەرۆک وەزیرانێکی نوێ بۆ عێراق دەڵێت "پرسیارەكە ئەوەیە كە كێ دەبێتە سەرۆك وەزیرانی جێگرەوە؟ ئەگەر بمانەوێ رەزامەندی هەموو خەڵك بەدەست بێنین، ئەوە مەحاڵە، چونكە تا ئێستە رای گشتی ئەوەیە كە هەموو شتێك رەت دەكرێتەوە".

هاوکات بە توندی رەخنەی لە هوتافەكان و دروشمەكانی خۆپێشاندەرانی عێراق گرتووە و ئاماژەی داوە ئەوانەی مان دەگرن و دەوامی قوتابخانەكان تێكدەدەن بەعسیین و دروشمی نیشتمانمان نەبێ دەوامیشمان نابێ هی بەعسە.

خەزعەلی هەفتەی رابردوو لەلایەن وەزارەتی گەنجینەی ئەمریكاوە ناوی خرایە لیستی سزاكانەوە بە هۆی پێشێلكردنی مافی مرۆڤ و كوشتنی خۆپێشاندەرانی عێراق.