سوریا هێرشی كردە سەر ئیدلب


ژیان: 
هەرچەندە بەگوێرەی رێكەوتنێكی نێوان توركیا لەگەڵ روسیا، پێویست بوو هێرش بۆ سەر هەموو ناوچەكان لەلایەن سوریاوە رابگیرێت بەڵام شەوی رابردوو هێزەكانی سەر بە حكومەتی سوریا بۆردومانی چەند ناوچەیەكی ئیدلبیان كرد. 

بەگوێرەی زانیاری میدیاكان بۆردومانەكان بۆ سەر بازاڕ و چەند خاڵێك بووە لە نێو سنوری ناوچەی كەمكردنەوەی گرژییەكانی ئیدلب، كە تیایدا 22 هاوڵاتی گیانیان لەدەستدا.

جگە لە بۆردومان هێرشی زەمینیش بۆ سەر چەند ناوچەیەك ئەنجام دراوە كە ژمارەیەك گوندی سەربە ناحیەی بیداما لە ئیدلیبی گرتووەتەوە تیایدا 6 كەس لەوناحیەیە كوژراون.