وەرگێرەكـ "پەرتوكخانیەیێن مە بازرگانی نە"

بەراورد گەل سالا بوری ڤێ ڕێژەیێ کێم کریە و زمانێ دایکێ بڤان ژمارەیان خواستا زارویێن خوە پەرنەکریە

ژیان: علی سلیم

پەرتوكا وەرگێرای پروسێسەكا نویە ل بادینان و دڤان دەه سالێن دوماهیكێ‌ دەستپێكریە و وەرگێرەكێ‌ پەرتوكا بادینی ژی دبێژیت ب مخابنیڤە پەرتوكا وەرگێرایی ب كوالتیەكا باش ناهێتە دورستكرن.

"زوربەیا پەرتوكێن دهێنە وەرگێران دكێم كوالتی نە"

احمد جاسم، وەرگێرەكێ‌ باژارێ‌ دهوكێ‌ بو ژیان "پروسا وەرگێرانێ‌ ل دەڤەرا بەهدینان  پروسەیەكا نویە و نە گەلەكا كەڤنە، خەلكی بباشی پێشوازیا ڤێ‌ پینگاڤێ‌ كر".
ئەحمەد جاسم گوت ژی، بەلێ‌ كێشەیا مە دوێ‌ چەندێ‌ دایە كو مە ئەو وەرگێرە نینە یێ‌ خوە كربیتە پسپور د بوارەكی دا و گەلەك وەرگێر بچاڤێ‌ بازرگانێ‌ سەدكەنە وەرگێرانێ‌ زور جار هەیە وەرگێرەكـ رومانەكا وەرگێرای ژ ئەدەبێ‌ رومانی پاشان چویە كتێبەك وەرگێرایە لسەر گەشەپێدانا مروڤی و وەسا تێگەلیەك دورست دبیت و دبیت ئەڤان بو بازرگانیێ‌ یە یان ژی ناڤ و دەنگی، كێمن ئەو وەرگێرێن خوە وەستاندی وە تنێ‌ ئێك بوار وەرگێرابیت.

وی وەرگێری دیاركر ژی" ب مخابنیڤە پەرتوكخانێن مە لژێر ناڤێ‌ ئەم پەرتوكخانێن بازرگانی نی رولەكێ‌ باش ناگێرن و گەلەك ژوان پەرتوكێن هاتیە وەرگێران بازرگانی بوینە و بهایێ‌ خوە یێ‌ مەعریفی نە بویە".

ئەڤ سالەدا ژمارا سپاردنێ‌ ب 391 پەرتوكان هاتیە دان كو 78 ژوانا وەرگێرانن 

اواب خودانێ‌ پەرتوكخانا جزیری ل دهوكێ‌ بو ژیان: كتێا وەرگێرای تشەكێ‌ نویە و هزرەكا نویە خواندەڤانی ژی حەزا تشتێ‌ نوی یا هەی و پێشوازیەكا زور ل پەرتوكا بادینی دكەن ،زوربەیا  وان پەرتوكێن دهێنە وەرگێران پەرتوكێن گەشەپێدانا مروڤی نە و رومانێن جیهانی.
ا

واب دهوكی گوت ژی، چ تشت یێ‌ بێ‌ كێماسی نینە و پەرتوكا وەرگێرای ژی بێ‌ گومان كێماسیا خوە هەیە چونكی ئەڤ پروسە یا نویە و ڤەدگەریت بو ڤان دەهـ سالێن دوماهیكێ‌ بەلێ‌ ب ڤی شێوەی زور باشە و هێدێ‌ هێدی وەرگێرێن باش یێن دیاردبن و شیانێن باش هەنە.

خودانێ‌ وێ‌ پەرتوكخانێ‌ گوت ژی، ب مخابنیڤە شوین تبلێن نڤیسەرێن بادینی زور دكێمن و ب تبلێن دەستان دهێنە هژمارتن و زور جاران پەرتوكێن وان ژی تاما وەر گێرانێ‌ تێدا هەیە.

مستەڤا خالد خوێنەرەكێ‌ پەرتوكا وەرگێرایە ل باژارێ‌ دهوكێ‌ بو ژیان دبێژیت "ئەگەر تەماشەی پەرتوكا بادینی بكەین دێ‌ بینین كو یا ڤالا نینە ژ كێماسیێن هەمەجور، هەژمارەكا زور ژ پەرتوكێن بادینی گەلەك جورێن خەلەتیێن زمانی و رێزمانی و خالبەندی و هندەك جاران خەلەتی د رێزبەندیا لاپەران دا دهێتە دیتن، ئەڤ چەندە ژی بو چەند خالان ڤەدگەریت ژ وانا نەبونا پسپوریەكا دورست ب تایبەت دكارێ‌ وەرگێرانێ‌ دا و پێدانا ژمارا سپاردنێ‌ بو پەرتوكان بێ‌ هەبونا لژنەیەكا چاڤدێریێ‌ و نەشارەزایی د زمانی و پێداچونێ‌ دا".

بەراورد دگەل سالا بوری ڤێ‌ رێژەیێ‌ كێم كریە و زمانێ‌ دایكێ‌ بڤان ژمارەیان خواستا زارویێن خوە پەرنەكریە

مستەفا خالد گوت ژی، ژلایێ‌ ناڤەروكێ‌ ژی ڤە دێ‌ بینین كو پەرتوكا بادینی  گەلەك یا لاوازە د رەنگ و جورێن بابەتان دا  و گەلەك بابەتان بخوەڤە ناگرن  و بتنێ‌ گرنگیێ‌ ب هندەك بابەتێن دەستنیشانكری و دوبارە دهێنە دان و هەما شێواز و بابەت و هزر دوبارە دبیت، بو نمونە مە پەرتوكێن فەلسەفی، ئابووری، سیاسی، فكری، زانستی و هتد... نینن یان ژی گەلەك دكێمن و گەلەك جاران حەزا خواندەڤانی تێَرناكەن و بوڤان جورە بابەتان خواندەڤان ئاسێ‌ دبیت و بدەست ناكەڤن.
ل دهوكێ‌ شیانێن كەسی تێرا تژیكرنا بوشاییا پەرتوكێن وەرگێرایی ب زمانێ‌ دایكێ‌ ناكەت، ل گورەی ئامارێن پەرتوكخانا گشتی یا بەدرخانی ل دهوكێ‌ د ئەڤ سالەدا ژمارا سپاردنێ‌ ب 391 پەرتوكان هاتیە دان كو 78 ژوانا وەرگێرانن و بەراورد دگەل سالا بوری ڤێ‌ رێژەیێ‌ كێم كریە و زمانێ‌ دایكێ‌ بڤان ژمارەیان خواستا زارویێن خوە پەرنەكریە.