هاوسەرەكەی نانسی عەجرەم لە ماڵەكەیدا كەسێكی سوری كوشت


ژیان: 
شەوی رابردوو، كەسێك بە مەبەستی دزیكردن چووەتە سەر ماڵەكەی هونەرمەند نانسی عەجرەم و ویستوویەتی بچێتە ژووری كچەكان، بەڵام هاوسەری ئەو هونەرمەندە تەقەی لێكردووە و ئەو كەسەی كوشتووە.

میدیاكانی لوبنان بڵاویان كردووە شەوی رابردوو كەسێك بە دەمانچەوە چووەتە ماڵەكەی هونەرمەند نانسی و توانیویەتی 3 پاسەوانی تایبەتی ماڵەكەی نانسی دووربخاتەوە.

بەڵام ئەو كەسە ویستوویەتی بچێتە ژووری كچەكانی و بەڵام هاوسەرەكەی نانسی هەرچەندە ویستوویەتی بە پارە دزەكە رازی بكات و بڕوات، بەڵام ئەو بەردەوام بووە لە چوونی بۆ ژووری كچەكانی، بەو هۆیەوە هاوسەری ئەو هونەرمەندە  تەقەی لێكردووە و دزەكەی كوشتووە.

ئێستا لێكۆڵینەوە لە هاوسەری نانسی دەستپێكردووە و دزەكە كەسێكی سوورییە و لەدایكبووی ساڵی 1989یە.