ترەمپ: ئێران هیچ کات نابێتە خاوەنی چەکی ئەتۆمی


ژیان:

سەرۆكی ئەمریكا وەڵامی هەڕەشەکانی ئێرانی دایەوە و رایگەیاند، ئێران هیچ كاتێك نابێتە خاوەنی چەكی ئەتۆمی.

دۆنالد ترەمپ، سەرۆكی ولایەتە یەكگرتوەكانی ئەمریكا لە تویتێکدا رایگەیاند"ئێران هیچ كاتێك نابێتە خاوەنی چەكی ئەتۆمی".

ئەو تویتەی ترەمپ لە کاتێکدایە کە دوێنێ ئێران رایگەیاند، لەمەو دوا بە پێی پێداویستی خۆمان بە بێ سنور یۆرانیۆم دەپیتێنین.

لە دوای کوژرانی قاسم سولەیمانی و ئەبو مەهدی موهەندیس و ژمارەیەک فەرماندەی دیکەی ئێران و حەشدی شەعبی  لە رۆژی ٣ی ئەم مانگە لە لایەن ئەمریکاوە گرژییەکانی نێوان ئەمریکاو ئێران زیاتر بەرەو ئاڵۆزی رۆیشتوە بەرپرسانی هەردوو وڵات لە رێگەی لێدوانەکانیانەوە هەڕەشەی توند ئاڕاستەی یەکدی دەکەن.