باڵوێزی سویسرا نێوەندگیری ئێران و ئەمریكای كردووە


ژیان: 
رۆژنامەیەكی ئەمریكی هەوڵەكانی سویسرا بۆ دروست نەبوونی شەڕی نێوان ئێران و ئەمریكا ئاشكرا دەكات و دەڵێت باڵوێزی سویسرا نامەی تایبەتی گەیاندووە بە ئێران.

رۆژنامەی (ۆڵ ستریت جۆرناڵ)ی ئەمەریكی ئاشكرای دەكات: دوای چەند كاتژمێرێك لە كوژرانی قاسم سولەیمانی، ئەمەریكا لە رێی باڵیۆزخانەی سویسراوە لە تاران پەیامێكی بۆ ئێران ناردووە، تیایدا وتویەتی وڵاتەكەیان هیچ نیازێكی بۆ گرژی و شەڕ نییە لەگەڵ ئێران.

بە گوێرەی رۆژنامەكە ماركۆس لایتنەر، باڵیۆزی سویسرا لە تاران، نامەكەی ئەمریكای رادەستی محەمەد جەواد زەریف، وەزیری دەرەوەی ئێران كردووە.

لە وەڵامی ئەو نامەیە و چەند پەیامێكیتری ئەمریكا ئێرانیش پەیامێكی هاوشێوەی ناردووە كە تیایدا دانیبەوەداناوە كە ئەوانیش هاوشێوەی ئەمریكا گرژی زۆریان ناوێت.