ئێران گەشتكردنی بۆ ئەوروپا راگرت


ژیان: 
هێڵی ئاسمانی ئێران، ئێوارەی ئەمڕۆ 11ی1ی2020 بە شێوەیەكی فەرمی سەرجەم گەشتەكانی بەرەو وڵاتانی ئەوروپا تا كاتێكی نادیار هەڵپەسارد و داوا لەو خەڵكانە دەكات كە دەیانەوێت گەشت بكەن پێشتر پەیوەندی بە فرۆكەخانەوە بكەن. 

لەبەیاننامەیەكدا، هێڵی ئاسمانی ئێران رایگەیاند، لەئەمڕۆ شەممەوە تاكاتێكی نادیار سەرجەم گەشتەكان بەرەو ئەورپا رادەگیرێن، هۆكارەكەشی بەشێوەیەكی رون ئاشكرا نەكردووە. 
هاوكات فڕۆكەخانەی نێودەوڵەتی تاران رایگەیاندووە، ئەو كەسانەی چاوەڕێی گەشت بۆ دەرەوەی وڵات دەكەن پێش ئەوەی سەردانی فڕۆكەخانە بكەن، با پەیوەندی بكەن و پرسیار لە بارەی گەشتەكانیان بكەن.
ئەوەش دوای ئەوەهات كە بەرەبەیانی رۆژی 3ی 1ی 2020 بە موشەكێكی ئێرانی فرۆكەیەكی ئۆكرانی پێكرا و بەهۆیەوە زیاتر لە 170 كەس گیانیان لەدەستدا و تا ئەمڕۆش ئەو وڵاتە رەتیدەكردەوە فرۆكەكە موشەی بەركەوتبێت بەلام ئەمڕۆ دەسەڵاتدارانی ئێران دانیان بەوەدا نا، فڕۆكە ئۆكرانییەكە لە ئاكامی بەركەوتنی مووشەكێك و بە هەڵە تێكشكێندراوە.