دوای بەدواداچونێكی ژیان؛ حكومەت وەڵامی بریندارێكی چەكی كیمیاوی دەداتەوە


ژیان:

دوای ئەوەی تۆڕی هەواڵی ژیان  بڵاوی كردەوە كە مەسروربارزانی سەرۆكی حكومەتی هەرێمی كوردستان، وەڵامی كامیل عبدولقادر ناداتەوە، بەرەبەیانی ئەمڕۆ وەڵامی ئەو بریندارەی چەكی كیمیاوی دایەوە.

كامیل عەبدولقادر، بە (تۆڕی هەواڵی ژیان )ی راگەیاند، بەرەبەیانی ئەمڕۆ نوسینگەی ئەنجومەنی وەزیران، پەیوەندییان پێوە كردووە و بڕیاری خەرج كردنی 30هەزار یۆریان پێداوە.

ناوبراو سوپاسی (تۆڕی هەواڵی ژیان)ی كرد كە لە 2 ڕۆژی ڕابردوودا گرنگیان بە سكاڵانامەكانیداوە كە ئاڕاستەی ئەنجومەنی وەزیران و لایەنە پەیوەندیدارەكانی كردبون.

ئاماژەی بۆ ئەوەشكرد، بڕی 50 هەزار یۆرۆی بۆ ڕەوانەكردنی خێزانەكەی بۆ وڵاتی ئەڵمانیا پێویست بووە، هەندێك لە خێرخوازان 20 هەزار یۆرۆیان بۆ كۆكردۆتەوە، ئەنجومەنی وەزیرانی حكومەتی هەرێمی كوردستانیش بڕیاری خەرجكردنی 30 هەزار یۆرۆی دەربڕیوە. 

ماوەی دوو ساڵە كامیل عبدولقادر ، یەكێك لە بریندارەكانی چەكی كیمیاوی لە وڵاتی ئەڵمانیایە بەمەبەستی چارەسەر وەرگرتن،پێویستی بە 50 هەزار یۆرۆ بوو  بۆ خەرج كردن و نیشتە جێكردنی  خێزان و منداڵەكانی كە وەك گرنتی دەبێت لە بانك دابنرێت، بۆ ئەوەی حكومەتی ئەڵمانیا نەشتەرگەریەكەی بۆ بكات.