بەرشەلۆنە راهێنەری نوێ دیاری دەكات


ژیان: 
یانەی بەرشەلۆنە لە بەیاننامەیەكدا دوورخستنەوەی راهێنەری یانەكەی راگەیاند و سوپاسی كارەكانیشی لە یانەكە كردو راهێنەری نوێی یانەكەی دیاری كرد.  

یانەی بەرشەلۆنە لە بەیاننامەكەیدا رایگەیاند: كیكی ستینی تەمەن 61 ساڵ لە شوێنی ڤالڤێری دەبێتە راهێنەری نوێی یانەكە و دوانیوەڕۆی ئەمڕۆش لە كۆنگرەیەكی رۆژنامەوانیدا گرێبەستەكەی لەگەڵ یانەی بەرشەلۆنە ئیمزا دەكات. 

گرێبەستی ئەو راهێنەرە تاكو 30 حوزەیرانی 2022 بەردەوام دەبێت، كیكی ستین ساڵی رابردوو راهێنەری یانەی ریاڵ بیتس بوو، دوای بەدەستهێنانی پلەی دەیەم بۆ یانەكەی، بەشێوەی خۆویستانە دەستی لە ئەركی راهێنەرایەتی یانەكە هەڵگرت.