بەوێنە... مەرجەعی باڵای شیعەكانی عێراق نەشتەرگەریە بە پەلەكەی سەركەوتوو بوو


ژیان: 
دوای ئەوەی شەوی رابردوو كەتبوو بە زەویدا مەرجەعی باڵای شیعەكانی عێراق ئێسكی رانی شكاوە و بەوهۆیەوە نەشتەرگەری بۆ ئەنجامدرا.

نووسینگەی عەلی سیستانی، مەرجەعی باڵای شیعەكانی عێراق لە راگەیەندراوێكدا ئاشكرای كرد:  شەوی رابردوو عەلی سیستانی پێی چەپی خزیوە، بەوهۆیەوە ئێسكی رانی شكاوە. 

دوای ئەو راگەیەندراوە ئەمڕۆش بە چاودێری تیمێكی پزیشكی عێراقی نەشتەرگەری بۆ ئەنجامدرا، و ژمارەیەكی زۆر لە پزیشكانی عێراقی بەشداریان تێدا كرد. 

ئەمڕۆش نوسینگەكەی سیستانی داوای نزای خێری لە باوەڕداران كردبوو بۆ ئەوەی پارێزراو بێت هاوكات باڵوێزخانەی ئەمریكاش لە عێراق هەواڵەكەی پشتراست كردەوە و رایگەیاند نەشتەرگەرییەكەی سەركەوتوو بووە و نزای زوو چاكبوونەوەیشی بۆ دەكەن.

 

لەکاتی هێنانە دەرەوەی لە هۆڵی نەشتەرگەری