لە هەفتەیەكدا 70 هەزار كەس لە حەلەب ئاوارەبوون


روانگەی سوریا بۆ مافەكانی مرۆڤ رایدەگەیەنێت، لە ماوەی هەفتەیەکدا لە حەڵەب بە هۆی شەڕ و پێكدادانەكانی سوریاوە  70 هەزار کەس لە پارێزگای حەلەب ئاوارەبوون. 

ژیان - رۆژئاوای کوردستان: روانگەی سوری بۆ مافەكانی مرۆڤ رایگەیاندووە، هێزەكانی سوپای سوریا و چەكدارانی هاوپەیمانان هێرشیان كردووەتە سەر خۆرئاوای حەلەب و فڕۆكە جەنگییەكانی روسیاش ناوچەكەیان بۆردومان كردووە و بەهۆیەوە لانی كەم 40 كەس كوژراون و نزیكەی 70 هەزار هاوڵاتیش لەماوەی هەفتەیەكدا ئاوارەبوون.

ئاماژەی بەوەشکردووە، زۆرینەی ئەو کەسانەی ئاوارەبوون پێشتر لە ناوچەكانی ئیدلب و حەما و ناوچەكانی دیکەوە روویان لە دەوروبەری حەلەب كردووە، بەڵام بە هۆی بۆردوومانەکانی حەلەبەوە جارێکی دیکە هاووڵاتیانی ئەو ناوچانە ئاوارەبوون.