باشە خۆ ئەڵێن ئەم زۆنە هیچی نییە

ئەمشەو هەندێك كوڕی ئازا پەیدابوون لانیكەم رێگری ئەكەن لەوەی ئەو تاڵانییە راگرن

ژیان_ لە هەژماری زانا عەبدولڕەحمان وەرگیراوە

 لە كۆبوونەوەی فراكسیۆنی یەکێتی نیشتمانی کوردستان لە پەرلەمانی کوردستان لەگەڵ مەكتەبی سیاسی لەكاتی رێگری لە د یوسف، هەڤاڵێكی مەكتەب سیاسی پێیوتین ئەگەر تێكیبدەین لەگەڵ پارتی دەمرین لە برسا، ئەم زۆنە هیچی نییە  ئەی خێرە ئێستا غازی هەموو كوردستان لە چەمچەماڵە.

واتا پارتی غازەكەشمان ئەفرۆشێت و پارەكەی دەدات بە جادەی ١٥٠ مەتری لە هەولێر ، دوایی دێن گاڵتە بە خەڵكی ئەم ناوچەیە دەكەن.

لە هەموو خۆشتر، حكومەتی تازە هەموو گرێبەستەكانی لە بازرگانەكانی ئەم زۆنە سەندووەتەوە و بازرگانی لە هەولێر و دهۆكەوە هێناوە لە كێڵگە نەوتی و غازییەكانی زۆنی سەوز  گرێبەستیان بۆ دەكات، بۆئەوەی بازرگانەكانی سلێمانی بێ ئیرادە بكەن، هەر ئەوە ماوە هێزی زێرەڤانی بێنیت و بە ناوی پاراستنی كێڵگەی نەوتی هەموو سەروەت و سامانی ئەم زۆنە بەتاڵان دەبرێت، بە پشتیوانی هەندێك بەرپرسی یەكێتی و گۆڕان.

شكور ئەمشەو هەندێك كوری ئازا پەیدابوون، لانیكەم رێگری ئەكەن لەوەی ئەو تاڵانیە راگرن، ئەمە سەرەتایەكە بۆ ئەوەی ستۆپ بە حكومەتی هەولێر بكەن، چونكە ئەم حكومەتە تەنها بۆ بێ ئیرادەكردن و شكاندنی سلێمانی هاتووە.

تیمی زەلیلی یەكێتی و گۆڕانیش لە حكومەت بە هەموو هێزیان پشتیوانی ئەو هەوڵەی پارتی دەكەن، بۆیە دڵنیام بە پاڕانەوە ئەمەش بۆ پارتی چارە دەكەن و ئەم گرێبەستەش تەسلیمی پارتی دەكەن، بەڵام تاكەی ئەمە بەردەوام دەبێت؟.

هەموو شتێك و شۆڕشێك هەر لە كۆمەڵێك گەنجەوە دەستپێدەكات.




تۆڕی هەواڵی ژیان بەرپرس نییە لە ناوەڕۆکی ئەم نوسینە