بالاك پێشبینی خۆی بۆ یاری چێڵسی و بایرن ئاشكرا دەكات


مایكڵ بالاك، ئەستێرەی پێشووی تۆپی پێی ئەڵمانیا، پێشبینی خۆی بۆ یاری نێوان بایرن میونشن و چێڵسی ئاشكرا دەكات و پێیوایە لە قۆناغی 16ی چامپیۆنس لیگ، بایرن میونشن دەتوانێت لەچێڵسی بەرێتەوە. 

ژیان- وەرزش: وابڕیارە رۆژی 25 ئەم مانگە لە قۆناغی 16ی چامپیۆنس لیگ،  بایرن میونشنی ئەڵمانی و ببێتە میوانی یانەی چێڵسیی ئینگلیزی، لەوبارەیەوە بالاك دەڵێت "بە لای منەوە بایرن میونشن دەتوانێت لە چێڵسی بباتەوە و بچێتە قۆناغی دواتر".

هەرچەندە ئەم وەرزە لامپارد راهێنەرایەتی چێڵسی وەرگرتووە توانیویەتی ئاستی یانەكە كەمێك بەرز بكاتەوە و لە ئێستادا بە كۆكردنەوەی 41 خەڵ لە ریزبەندی چوارەمی پریمەرلیگدایە،  بالاك دەڵێت "فرانك لامپاردی راهێنەری چێڵسی ئەزموونی كەمە و ئەمەش بۆ بایرن میونشن باشترە". 

ئەو ئەستێرەیەی پێشووی یانەی بایرن هۆشداریش دەدات لە ئاستی یانەی چێڵسی و پێیوایە یاریزانەكانی ئەو یانەیە "بۆی هەیە بەرامبەر بایرن تواناكانیان بتەقێتەوە".