ئێران زانیاری لەسەر گیانلەدەستدانی ژنێك بەهۆی كۆرۆناوە لە وڵاتەكەی بڵاودەكاتەوە


  وەزارەتی تەندروستی ئێران  بڵاوبوونەوەی هەواڵی مەرگی ژنێك بە گومانی تووشبوون بە كۆرۆنا ڕەتدەكەنەوە 

ژیان_ئێران: ئەمڕۆ چوارشەممە 12 شوباتی 2020  كیانووش جەهانپوور، بەرپرسی ناوەندی پەیوەندییە گشتییەكانی وەزارەتی تەندروستی ئێران، سەبارەت بە بڵاوبوونەوەی هەواڵی  گیانلەدەستدانی ژنێك بە گومانی تووشبوون بە كۆرۆنا لە نەخۆشخانەیەكی تاران، وتی،  "ئەم هەواڵە درۆیە".

وتیشی، "هەموو ئەوانەی لە وڵاتی چینەوە هاتوونەتە ئێران هەموویان تەندروستیان باشە و بە دڵنیاییەوە تا ئێستا كۆرۆنا ڤایرۆس نەهاتووەتە ئێران".

ئەوەشی وت، "كە تەنانەت لە ماوەی چەند ڕۆژی ڕابردوودا هیچ ڕاپۆرتێكمان نەبووە سەبارەت بەوەی كە گومان لە كەسێك كراوە یان پێدەچێت تووشبووی كۆرۆنا لە ئێران هەبێت، ئەوەش نەبووە و تەنانەت گومانمان لە كەسیش نەكردووە".