مەزڵوم کۆبانێ پیرۆزبایی لە لاهور شێخ جەنگی و بافڵ تاڵەبانی دەکات


فەرماندەی گشتی هێزەکانی سوریای دیموکرات، پیرۆزبایی لە لاهور شێخ جەنگی و بافڵ تاڵەبانی دەکات بەبۆنەی هەڵبژاردنیان وەک هاوسەرۆکی یەکێتی نیشتیمانی کوردستان، دەشڵێت" هیوا خوازم هەڵبژاردنتان ببێتە مایەی بەهێزکردنی کوردستان".

ژیان_سلێمانی: مەزڵوم کۆبانێ، فەرماندەی گشتی هێزەکانی سوریای دیموکرات لە هەژماری تایبەتی خۆی لەتۆڕی کۆمەڵایەتی تویتەر، نووسیویەتی" پیرۆزبایی لە برایانمان لاهور شێخ جەنگی و بافڵ تاڵەبانی دەکەم بەبۆنەی هەڵبژاردنیان وەک هاوسەرۆکی یەکێتی نیشتیمانی کوردستان و هیودارم هەڵبژاردنیان ببێتە هۆی بەهێزکردنی کوردستان و یەکێتی و پەیوەندییەکانی نێوانمان".

دوێنێ سێشەممە، ١٨ی شوباتی ٢٠٢٠، ئەنجوومەنی سەرکردایەتی یەکێتی بە زۆرینەی دەنگی ئەندامانی ئەنجوومەنەکە لاهور شێخ جەنگی و بافڵ تاڵەبانی بە هاوسەرۆکی یەکێتی نیشتمانی کوردستان هەڵبژێردران.