وەزارەتی بەرگری ئەمریكا: 110 سەرباز تووشی لەقینی مێشك بوون


پنتاگۆن ڕایدەگەیەنێت لەهێرشە مووشەكییەكەی ئێران بۆ سەر بنكەی ئاسمانی عەین ئەسەد تەنها 110 سەربازەكانیان تووشی لەقینی مێشك بون،هەواڵی كووژرانی سەربازەكانمان لەلایەن ئێرانەوە دوورن لە ڕاستییەوە.

ژیان_ئەمریكا: وەزارەتی بەرگری ئەمریكا (پنتاگۆن ) دوێنێ هەینی ئاشكرای كردووە ژمارەی ئەو سەربازانەی لەهێرشە مووشەكییەكەی ئێران بۆ سەر بنكەی ئاسمانی عەین ئەسەد لە رۆژئاوای ئەنبار تووشی لەقینی مێشك بوون ، گەیشتۆتە 110سەرباز.

ئەم روونكردنەوەیەی وەزارەتی بەرگری ئەمریكا لە كاتێكدایە كە رۆژی پێنج شەمە20 شوباتی 2020  سوپای پاسدارانی ئێران رایگەیاندبوو كە لەهێرشە مووشەكییەكەی وڵاتەكەی بۆ سەر بنكەی عەین ئەسەد توانیویانە 120 سەربازی ئەمریكی بكوژن.