كەسێكی دیكە بە كۆرۆنا لە ئێران گیانی لەدەستدا


ئێوارەی ئەمڕۆ شەممە 22ى شوباتی 2020، میدیاكانی كۆماری ئیسلامی ئێران بڵاویان كردەوە، بەهۆی كۆرۆناوە كەسێكی دیكە گیانی لەدەستدا، ژمارەی ئەو هاووڵاتیانەش بەهۆی ڤایرۆسەكەوە گیانیان لەدەستداوە گەشتە 6هاووڵاتی.
ژیان_ئێران:
لەپارێزگای مەركەزی كۆماری ئیسلامی ئێران، بەهۆی ڤایرۆسی كۆرۆناوە، كەسێكی دیكە گیانی لەدەستدا و بەوەش ژمارەی ئەوهاووڵاتیانەی بەهۆی ڤایرۆسەكەوە گیانیان لەدەستداوە گەشتە 6 هاووڵاتی.

كاربەدەستانی ئێران، بۆ ڕێگری كردن لەتەشەنە كردنی ڤایرۆسەكە ڕێكاری تووندی تەندروستیان گرتووەتە بەرو و  بەهۆیەوە لە پارێزگای مەركەزی لە دامەزراوەكان و قوتابخانەكان و زانكۆكانی ئەو پارێزگایە بۆماوەی هەفتەیەك كرایە پشوو.

ئەمڕۆ شەممە وەزارەتی تەندروستی ئێران لەراگەیەنراوێكدا نوێترین ئاماری توشبوون بەڤایرۆسی كۆرۆنا و ئەوانەش كە گیانیان لەدەستداوە ئاشكرا كردووە و تیایدا رایگەیاندووە" لە ئێران ٢٨ كەس دووچاری ڤایرۆسی كۆرۆنا بونەتەوە و  پێنج هاووڵاتیش بەهۆی ڤایرۆسەكەوە گیانیان لەدەستداوە"