بەوێنە: بەهۆی كۆرۆناوە یادی ڕاپەڕین جیاواز بەڕێوەچوو


ئەمڕۆ پێنج شەممە 5ی ئاداری 2020 ، لە دەروازەی قەزای ڕانیە یادی 29 یەمین ساڵیادی ڕاپەڕینی گەلی كورد كرایەوە كە یەكەمین سەركەوتن و ئازادی لەوناوچەیەوە دەستیپێكرد .

ژیان ـ هەردی حەسەن: لەو مەراسیمەدا هەریەكە لە قائمقامیەتی قەزای ڕانیە و كەسوكاری شەهیدانی ڕاپەڕین بەو بۆنەیەوە وتاریان پێشكەشكرد، سەرەڕای باسكردن لە گەورەیی ڕاپەڕین و دەستكەوتەكانی، هیواخوازبوون حكومەتی هەرێم زیاتر پڕۆژەی خزمەتگوزاری لەو ناوچەیە جێبەجێبكات.

جگەلە دانانی تاجەگوڵینە بۆ گیانی شەهیدانی راپەڕین، هیچ چالاكیەكی تر بەڕێوەنەچوو، ئەوەش بەهۆی ئەوەی كە وەك ڕێگرییەك لە بڵاوبوونەوەی ڤایرۆسی كۆرۆنا لەماوەی ڕابردوودا حكومەتی هەرێم بڕیاریدا گشت چالاكیەكییەكانی مەراسیم و یادەكان ڕابگرێت .

ساڵانە لەوڕۆژەدا لە قەزای ڕانیە و دەوروبەری دەیان چالاكی هونەری و ڕۆشنبیری و وەرزشی بەڕێوەدەچێت ، بەڵام مەترسییەكانی بڵاوبوونەوەی ڤایرۆسی كۆرۆنا چالاكیە ئامادەكراوەكانی ئەو یادەی ڕاگرت.