ئەیوب عەلی گۆرانیەكی بۆ كۆرۆنا تۆمار كرد


هونەرمەند ئەیوب عەلی لەچوار چێوەی هەوڵەكان بۆ بەرگیری لە بڵاوبونەوەی ڤایرۆسی كۆرۆنا گۆرانیەكی كۆنی خۆی نوێ دەكاتەوە و هۆنراوەكەی دەگۆڕێتتایبەتی دەكات بە خۆ پاراستن. 

ژیان- هونەری: هونەرمەند ئەیوب عەلی، كە ماوەیەكی زۆرە لە وڵاتانی ئەورپا دەژی، رایگەیاند: ھیوادارم ھەمومان بتوانین پابەندبین بە جێبەجێكردنی ڕێنماییە تەندروستیەكانەوە بۆ بەرەنگاربونەوەی ڤایرۆسی كۆرۆنا COVID -19. 

ئەو هونەرمەندە رەخسەتی لە ئومێد جەمال خواستووەكە كە ساڵانێك لەمەوبەر ئاوازەكەی بۆ داناوە بۆ هۆنراوەیەكیتر "ئەحمەد محەمەدی شاعیر ئەوكات تێكستی گۆرانی رێژنەی نوسی و لە دێڕێكدا دەڵێت : وەرە با لەم سەیرانە بدوێین بە ئازیزانە". 

ئەو هۆنراوەی گۆرانیەكەی گۆڕیوە و دەڵێت "بەڵام بە داخەوە من پێم باشە لەم بارودۆخەی بەھاری ئەمساڵدا جارێ نەرۆین بۆ سەیران و سەردانی شوێنەكان، بۆیە تێكستەكەم دەستكاری كرد" .