كەرەنتینی بڕوانامە....


   ژیان: وەرگیراوە لەهەژماری  بەرهەم محمد، ئەندامی ئەنجوومەنی دەرچوانی دانەمەزراو

بەڕێزان بەرپرسان و بڕیار بەدەستانی كوردستان... 

ئێمە وەك دەرچووانی دانەمەزراو و خاوەن بڕوانامە پێش ئەوەی كۆڕۆناش بێت ئیمە هەر كەرەنتین كراواین بەهۆی خراپی سیستەمی بەڕێوبردنی وڵاتەوە.
ئێستا دەبێت ئێوە هەست بە كێشە و گرفتەكانی ئێمە بكەن چونكە ئیستا ڤایرۆسی كۆرۆنا ئێوەی كەرەنتین كردوە و نایەڵێت بێنە دەرەوە تەنانەت كۆبوونەوەكانیشتان لە ڕێگای ئۆنلاینەوە ئەنجام دەدەن.

بە هەر كوچەو كۆڵانیكی شاردا بگەڕێیت و لە دەرگای هەر ماڵێك بدەی ١ تا ٢ تا ٣ بگرە زیاتریش كەرەنتین دانەمەزراوایان هەیە.

بەڵام بۆ ئێمەی دەرچوانی دانەمەزراو هیج جیاوازیەك نی یە پێش ئەوەی ڤایرۆس بێت ئێوە ئێمەتان كەرەنتین كردووە ئەوە ماوەی ٩ ساڵە كچ و كوری خاوەن بڕوانامە لە ماڵەوەن نازانن ڕوو لە كوێ بكەن بۆ دەست كەوتنی كارێك ڕوو لە دەرەوە دەكەین لە ڕێگا دەخنكێین و ئێوە بە مردویی ئامادەن بمان هێننەوە بەڵام بە زیندویی ئامادە نەبوون لە گەڵمان دابنیشن چاوتان پێمان بكەوێت چەندین جار هەوڵمان داوە بتان بینین بەڵام لە لایەن چواردەورەكانتانەوە ڕێگریمان لێكراوە بە بیانووی جیا جیا لە ئیستاش دا بە هۆی ڤایرۆسی كۆڕۆنا دەبیت ئێوە هەست بە ئێمە بكەن و ویژدانتان جوڵا بێت ، ئێمە ساڵانێكە بەهۆی بڕوانامەكانمانەوە  لە ماڵەوە  كەرەنتینین كراوین بەڵام ئێوە بەهۆی ڤایرۆسێكەوە ..بۆ ئیمەی دەرچوانی زانكۆ و پەیمانگاكان هیچ جیاوازێك نی یە لە ئیستا و لە پێشتریش ..ئەوە ٩ ساڵە بە بیانوی قەیرانەوە ئێمەتان خزاندۆتە ماڵەوە هیچ دەرفەتێكی كاركردنمان نی یە لەم هەرێمە پڕ لە داهاتە دا .ئەوە جارێكی تر نەوت دابەزی دەبیت ئینجا چاوەڕێی چەند ساڵی تر بكەین بۆ ئەوەی بتوانین وەك كەس و كاری ئێوە بژین لە سوچێكی فەرمانگەیەكی ئەم هەرێمی كوردستانە خزمەت بكەین هەر كە وتیان نەوت دابەزی ئیتر خەڵك زیڕە دەكات چونكە ئێوە تەنها پشت بە داهاتی نەوت دەبەستن بۆیە ئێمە بووینەتە قوربانی سیاسەتە چەوتەكانی ئێوە ..لێرەوە داواتان لێ دەكەم بنوون لە كەرەنتین بەڵكو خەوێك ببین بە ئێمەی دەرچوانی دانەمەزراوە و بیر لەو هەموو ساڵەی خوێندنمان بكەنەوە كە بە هەزار ساردی گەرمی بووینەتە خاوەن بڕوانامە.

ئێستا بڕوانامەكانمان هیچ جیاوازیەكی نی یە لە گەڵ ڤایرۆسی كۆڕۆنا بگرە ڤایرۆسە كە بۆ ئێمە باشترە چونكە زۆر زۆرەكەی ساڵێك نەیەڵیت بێینە دەرەوە بەڵام شاهادەكانمان وای لێمان كرد بۆ هەتا هەتا لە سایەی ئیوەوە كەرەنتینمان بكات.

بەڵام لێرەوە پێتان دەڵێن ئیتر دوای ئەم ڤایرۆسە بایەكەم ئیشتان بیركردنەوە بێت لە دەرچوانی زانكۆ و پەیمانگاكان چونكە ئێمە دوو جار بێ دەنگیمان هەڵبژارد لە بەرامبەر كوردستانەكەمان بەڵام سێ یەم جار بێ دەنگی دەشكێنین هەڵوێستی جدی و یەك لایی كەرەوەمان دەبێت لە داهاتوودا ئە گەر بە دەم داواكاریەكانمانەوە نەیەن.

 لە كۆتای دا گەورەیی خۆتان بنوێنن و مێژوی خۆتان بە كارە باشەكانتان بكەنە باخچەیەك بۆ ئەوی نەوەكانی داهاتوو ماندویەتی تیا دەربچێت وەك دیكتاتۆرەكانی دونیا مێژووی خۆتان مەكەنە زبڵدانێك نەوەكانی داهاتوو پیسی تێدا فڕێ بدات.

هەڵویست وەربگرن بەڕێزان ژیان زۆر كورتە وەك ئەوەی چاوەرێی دەكەین ئەوەنیە ..دەرچوانی زانكۆ و پەیمانگاكان لە كەرەنتین ڕزگار بكەن دوای ئەوەی خۆتان ڕزگارتان دەبێ لە كەرەنتینی كۆڕۆنا ئیتر كردارەكانتان بكەنە پرۆژەو بیكەن خزمەتی خەڵك لە كۆتایدا هیوای لە ش ساغی و سەلامەتی دەخوازم بۆ ژیانی مرۆڤایەتی لە جیهان و بە تایبەتی تریش خەڵكی خۆڕاگری   كوردستان




تۆڕی هەواڵی ژیان بەرپرس نییە لە ناوەڕۆکی ئەم نوسینە