سلێمانی گەمارۆدراوە !!


ژیان: لە هەژماری زانا عەبدولرەحمان وەرگیراوە

شارێك بچوك، بەڵام لە دڵی ئێمەدا گەورەیە، شارێكی بزێو، بەڵام هێمنیەكی قوڵی لە رووحیدایە

شارێك هەرچی بەرداشە هاڕیویەتی، بەڵام ئەو هەر گوڵەگەنمی  كوردستانە.

شارێك گەنجەكانی ئێواران بەنیگەرانیەوە رەخنەی لێ دەگرن، بەڵام لەگەڵ گزنگی خۆری بەیانی توند باوەشی ئەكەن وئەیلاوێنن

شارێك نەك داگیركەران بەڵكو حكومەتی كوردیش دەستی خستوەتە بینە قاقایی كەچی هەر گۆرانی ئازادی ئەچڕێت

شارێكی نمەك سوێرە زۆر كەسی داڵدەداوە دوایی پشتیان تێكردوە، كەچی هەر وەڕز نابێت و هەر زیاتر پێشكەش ئەكات

ئەمرۆش سلێمانی لەبەردەم تەحەدایەكی ترە نەك هەر ڤایرۆسی كۆرۆنا، بەڵكو ڤایرۆسی حوكمی پایتەخت ئەوانەی كە چاویان لەوەیە سلێمانی بكەوێت تاوەکو لەسەر لاشەكەی ئاهەنگ بگێرن رۆڵەكانی ئەم شارە لەژێر گەمارۆی بێ مووچەی پایتەخت بە هەموو هێزیان رووبەرووی ئەم دۆخە بوونەتەوە.

پارێزگار وقائیمقام و دەزگاكانی تەندروستی و ئاسایش و پۆلس و پزیشەكان بە گیرفانی بەتاڵ، بەڵام بەدڵێكی پر لە خۆشەویستی  سلێمانی سەنگەریان گرتووە سەرمایەدارەكانی بونە پشتیوانی هەژاران و سەدان كەریمی عەلەكە لە مەیدانن بۆ دروستكردنی نەخۆشخانە ودەرمان و دابینكردنی خۆراك بۆ هەژارەكانی شار كەچی هێشتا پایتەخت و میدیاكانی هەر بەرۆكی  سلێمانی بەرنادەن.

پارێزگار دەڵێت ئەو دەرمانەی لە دوونیا بۆ چارەسەری كۆرۆنا بەكاردێت لە سلێمانی بەرهەمی دەهێنین. ئەوان دێن و گاڵتەمان پێ ئەكەن، ئەزانن بۆ !!؟

پێیان سەیرە هێشتا لە ژێر ئەو هەموو گەمارۆیەیی دروستیان كردووە سلێمانی  تەسلیم نابێت و ئەیەوێت هەنگاوی گەورەبنێت گریمان سەرنەكەوتین، بەڵام هەوڵێكمان هەرداوە ئێوە چیتان كردووە؟

لە جیاتی پشتیوانی لەم دۆخە، حكومەتەكەی پایتەخت لیژنە بۆ مەرزەكانی سنووری سلێمانی ئەنێرێت بەناوی چاكسازی بۆ برینی قوتی خەڵك و بازرگانەكان وەكو سنووری خۆی مەرزی نەبێت، تاوەکو ئەوەی نەفەسی سلێمانی ببرێت و بەتەواوی گەمارۆبدات

ئێوە چیتان لە مێشكدا ئێمە نازانین ؟ بەڵام سلێمانی رۆڵەكانی خۆی خۆشدەویت 

پارێزگار و قائیمقام وئاسایش وپۆلیس و پزیشەكانی خۆی وەكو بیلبیلەی چاوی ئەپارێزێت

لەتەنگانەدا ئەبینن خەڵكی ئەو شارە چی ئەكات، چونكە سلێمانی تەنها شارێك نیە بۆ ئێمە  بەڵكو بەشێكە لە رووح و ژیانی هەموومان نزیك بین یان دوور ئەو هەر دەلاقەی ئازادی هەموومانە 

بەڵام حكومەتەكەی پایتەخت دەبێت بزانێت سلێمانی حكومەتەكەی بەغداد  كە(بابە گەورە)ی لێ بوو نەیتوانی دەستەمۆی بكات ، ئێستا حكومەتە شەروشەقەكەی (برا گەورە)  ئەتوانێت  بەگەمارۆ چی بكات ؟؟

 سوپاس بۆ هەموو ئەوانەی ماندووئەبن سوپاس بۆ خەڵكی سلێمانی

تێبینی: كەس باسی شارچێتی بۆ من نەكات  كەی ئەوان بە یەك چاو سەیری شارەكانیان كرد ، ئێمەش ناچاری نوسینی وتاری لەو جۆرە نابین




تۆڕی هەواڵی ژیان بەرپرس نییە لە ناوەڕۆکی ئەم نوسینە