ریاڵ سوورە لەسەر گواستنەوەی هالاند


یانەی ریاڵ مەدرید خواستی خۆی بۆ یاریزانێك ناشارێتەوە و میدیاكانی نزیك لەو یانەیەش ئاشكرای دەكەن یانەكە چاوی لە ئەستێرەیەكی نەرویجیە لە ئەڵمانیا. 

ژیان- وەرزش: ڕۆژنامەی ماركای نزیك لە یانەی ریاڵ مەدرید، ئاشكرای دەكات، ئامانجی سەرەكی ڕیاڵ مەدرید بۆ وەرزی داهاتوو، گواستنەوەی ئیرلینگ هالاندی هێرشبەری یانەی دۆرتمۆندی ئەڵمانییە بۆ ڕیزەكانی. 

رۆژنامەكە باسی لە ئاستی بەرزی ئەو یاریزانە كردووە لە خولی ئەڵمانیدا لەگەڵ یانەی دۆرتمۆند و دەشڵێت "یانە مەدریدیەكە بەدوای هێرشبەرێكی باشدا دەگەڕێت بۆ جێگەی كەریم بنزیمەی فەڕەنسی، بەهۆی ئەوەی لۆكا یوڤیچی سڕبی تا ئێستا نەیتوانیوە ئاستی شیاو لە یانەكەدا پێشكەش بكات". 

بەهۆی راگیرانی خولەكانی ئەوروپا ئەگەر هەیە نرخی یاریزانان روو لە دابەزین بكات ئەوەش گەورەترین كێشەی بۆ یانەكان دروست كردووە بەتایبەت لەو كاتەی یاریزانەكان نرخیان بەرزبوو لە پێشتردا.