نەڤید زەردی داوا دەكات بەشێك لە فانەكانی كەرەنتین بكرێن


نەڤید زەردی، هونەرمەندی ئاوازدانەر، دوای بڵاو كردنەوەی وێنەیەكی خۆی و سەنا بەرزنجی گلەیی لە فانەكانی دەكات و دەڵێت: سەرەتا نەمزانی دڵتەنگ بم بۆ ئەو شێوازە ناشیرینەی بیركردنەوە یان نووسەرەكانی وەك نەخۆشێكی دەروونی ببینم كە پێویستیان بە چارەسەرە.

ژیان- سلێمانی: ئەو لەسەر وێنەكەی ناوی ئەو سەنا بەرزنجی بە خوشكی ئازیزم هێناوە، بەڵام فانەكانی لە ئینستاگرام قسەی نەشیاویان بۆ نوسیوە و لەو بارەیەوە دەڵێت: تاكە پێوانەی ئەوان بۆ هەڵسەنگاندنی مرۆڤەكان و دیتنی دونیا مێشكی بەسراو و بیركردنەوە هەڵەكەی خۆیانە و هەموو دەور و بەر دەخەنە كلێشەی كەسایەتی خۆیان. 

ئەو ئەو جۆرە كەسانە بە  بۆ كۆمەڵگە  بە مەترسیدار دەزانێت و دەڵێت "پێویستە كەرەنتین بكرێن چونكە نەك تەنیا لەبەر كەسایەتی نزم و بۆشایی دەروونیان پیویستیان بە چارەسەرە بەڵكو ئەو نەخۆشیەش لە كۆمەڵگە بڵاو دەكەنەوە".