ڕاگەیەندراوێک لەژووری ئۆپەراسیۆنی پارێزگای هەولێرەوە


ژووری ئۆپەراسیۆنی پارێزگای هەولێر راگەیەندراوێكی بڵاوكردەوە و تێیدا رێنمایی و بڕیاری نوێی سەبارەت بە كاركردنی بانكەكان و نووسینگەكانی ئاڵوگۆڕی دراو دەركرد.
ژیان_هەولێر:
بەپێی ڕاگەیەندراوێكی ژوری ئۆپراسیۆنەكان بڕیاردراوە، كردنەوەی بانكە ئەهلیەكان لەو دوو رۆژەدا بەو مەرجەیە هەر بانكێك لە (5) كارمەند زیاتری لێنەبێت بۆ ڕاییكردنی كارەكانیان، بۆشیان هەیە تەنها (1) ئۆتۆمبێل بەپێی باجێكی تایبەتی قایمقامیەتی ناوەندی هەولێر، بۆ هاتووچۆكردنیان بەكاربهێنن.

هەروەها ژوری ئۆپراسیۆنەكان بڕیاریشیداوە، نووسینگەكانی ئاڵۆگۆڕكردنی دراو، ئەوانەی لەدەرەوەی شەقامی (60)مەترین بەهەمانشێوەی بانكە ئەهلییەكان، ڕۆژانی (یەك شەممە و چوار شەممە) لەكاتژمێر (10)ی بەیانی تاوەكو (3)ی دوای نیوەڕۆ كراوە دەبن.

ئاماژەی بەوەشكردوە، هەروەها نووسینگەكانی تری ناو بازاڕی دۆلار فرۆشانی شێخەالله، دەتوانن لەگەڵ نووسینگەكانی دەرەوەی شەقامی(60)مەتری كە مۆڵەتیان هەیە، یان لە شوێنێكی تری دەرەوەی بازنەی هەمان شەقام، بەشێوەیەكی كاتی شوێنێك بۆخۆیان دابین بكەن و نووسینگەكانیان بكەنەوە.

دەقی راگەیەندراوەكە:
راگەیەندراوێك لە ژووری ئۆپەراسیۆنی پارێزگای هەولێرەوە 
ئەمشەو 2020.3.25 بەسەرپەرشتی د.فرسەت سۆفی پارێزگاری هەولێر، ژووری ئۆپەراسیۆنی پارێزگای هەولێر بۆ بەرەنگاربوونەوەی ڤایرۆسی كۆرۆنا، كۆبوونەوەیەكی ئەنجامدا.
كۆبوونەوە بڕیاریدا:-
1- بانكە ئەهلیەكانی هەولێر، لە ڕۆژانی (یەك شەممە و چوارشەممە) كراوە دەبن لەكاتژمێر (8)ی بەیانی تاوەكو (1)ی دوای نێوەڕۆ، بەمەرجی ئەوەی هەر بانكێك لە (5) كارمەند زیاتری لێ نەبێت بۆ ڕاییكردنی كارەكانیان، بۆشیان هەیە تەنها (1) ئۆتۆمبێل بەپێی باجێكی تایبەتی قایمقامیەتی ناوەندی هەولێر، بۆ هاتووچۆكردنیان بەكاربهێنن. 
2- نووسینگەكانی ئاڵۆگۆڕكردنی دراو، ئەوانەی لەدەرەوەی شەقامی (60)مەترین بەهەمانشێوەی بانكە ئەهلییەكان، ڕۆژانی (یەك شەممە و چوار شەممە) لەكاتژمێر (10)ی بەیانی تاوەكو (3)ی دوای نیوەڕۆ كراوە دەبن، هەروەها نووسینگەكانی تری ناو بازاڕی دۆلار فرۆشانی شێخەالله، دەتوانن لەگەڵ نووسینگەكانی دەرەوەی شەقامی(60)مەتری كە مۆڵەتیان هەیە، یان لە شوێنێكی تری دەرەوەی بازنەی هەمان شەقام، بەشێوەیەكی كاتی شوێنێك بۆخۆیان دابین بكەن و نووسینگەكانیان بكەنەوە. 
3- لەسەر تەواوی هێزە ئەمنییەكان و پۆلیس و ئاسایش و بازگەكان و لایەنە پەیوەندیدارەكان، پێویستە ئەم بڕیارەی سەرەوەی ژووری ئۆپەراسیۆنی پارێزگای هەولێر جێ بەجێ بكەن. 
ژووری ئۆپەراسیۆنی پارێزگای هەولێر