لەبارەی كۆچی دوایی كازم ساهیرەوە


هەواڵێك لەسەر مردنی هونەرمەندی گەورەی عەرەب كازم ساهیر بڵاو دەكرێتەوە و دوای كەمێك ئاشكرا دەبێت كە وەك هەواڵێی فەیك بەبۆنەی یەكی نیسانەوە بڵاو كراوەتەوە. 

ژیان- هونەری: لە هەواڵەكەدا باس لەوە كراوە "ئەمڕۆ چوارشەممە وسام كازم، كوڕی هونەرمەندی گەورەی عێراقی و عەرەبی كازم ئەلساهر، بە كەناڵی سەمای دوبەی راگەیاند: بەهۆی توشبونی بە ڤایرۆسی كۆرۆنا كازم ئەلساهر كۆچی دوایی كردووە".

رۆژی یەكی نیسان كە بە رۆژی درۆ ناسراوە، ساڵانە لەتۆڕە كۆمەڵایەتیەكان لەم رۆژەدا هەواڵێكی فەیك بڵا, دەكرێتەوە كە بەشێك لە خەڵكی بەهۆی نائاگاییان لەو رۆژە كە بە رۆژی درۆ ناسراوە توشی شۆك دەبن. 

ئەو هەواڵەی ئەمڕۆ بەیانی لەبارەی كازم ساهیرەوە بڵاوكرایەوە تیایدا هاتبوو: ساهر بە گەشتێكی چەند رۆژی سەردانی‌ وڵاتی فەرەنسا كردووە، بەڵام بەهۆی بڵاوبونەوەی ڤایرۆسی كۆرۆنا و راگرتنی گەشتە ئاسمانیەكان لەگەڵ حسێن دەعبسی هاوڕێی نەیانتوانیوە بگەڕیتەوە بۆ دوبەی.

هەواڵە فەیكەكەی لەسەر ناوی كوڕەكەی بڵاوكراوەتەوە: دكتۆرە تایبەتەكەی پێی راگەیاندین كە كازم بەهۆی توشبونی بە ڤایرۆسی كۆرۆنا  لە‌یەكێك لە نەخۆشخانەكانی پاریسی پایتەختی فەرەنسا كەرەنتین كراوە و رێگە نادرێت سەردان بكرێت.

ئەو هەوڵەی وەك بەشێك لە رۆژی درۆ بڵاو كراوەتەوە تیایدا وتویەتی "كەمێك پێش ئێستا پێیان راگەیاندین بەهۆی ڤایرۆسی كۆرۆناوە كازم ساهر گیانی لەدەستداوە".