رۆناڵدۆ باس لە هەڵوێستی میسی دەكات دوای رۆشتنی لە لالیگا


كریستیانۆ رۆناڵدۆ، ئەستێرەی پۆرتوگالی یانەی یوڤانتۆس، لەبارەی ركابەری خۆی و میسی روونكردنەوە دەدات و دەڵێت زۆر سەرسامم بەو كاروانەی میسی تائێٍستا بەڕێوەی بردووە. 

ژیان- وەرزش: ئەو ئەستێرە پرتوگالیە دەڵێت، ركابەریی من و لیۆنێل میسی، ركابەرییەكی راستە، زۆر سەرسامم بەو كاروانەی میسی كە تا ئێستا پێیدا تێپەڕیووە و چێژم لەو ركابەرییە وەرگرتووە لەنێوان ئێمەدا هەبووە.

رۆناڵدۆ بە رۆژنامەی میرەی بەریتانی راگەیاندووە، دەڵێت، كاتێك لالیگام بەجێهێشت میسی پێیوتم هەرچەندە ركابەری منی بەڵام رێزت لێدەگرم. 

كریس ئەو جۆرە ركابەریە بە پێویست دەزانێت لە تۆپی پێدا و بە شتێكی جوانی دەزانێت و  نمونەی مایكل جۆردان لە تۆپی باسكەدا، ئیرتۆن سینا و ئالا بروست، لە فۆرمولا وەندا دەهێنێتەوە كە ركابەری جوانن.