نرخى نەوت بەجێگیرى مایەوە


ئەمڕۆ یەکشەممە نرخی نەوت لەبازاڕەكانی جیهاندا بەراورد بەدوێنێ بەهۆى نەبوونى بۆرسەى جیهانى بە جێگیرى مایەوە.

ژیان_ئابوری: بۆرسەی جیهانی نرخی نەوتی ئاشكراكردووە، لە ئێستادا نرخی هەر بەرمیلێك نەوتی برێنت لەبازاڕەكانی جیهاندا بە 32 دۆلار و 86 سەنت مامەڵەی پێوەكراوە هاوكات، نرخی هەر بەرمیلێك نەوتی ئەمریكی بە 29 دۆلار و 65 سەنت فرۆشراوە.

مانگی نیسانی ئەمساڵ، نرخی نەوت بە گشتی و نەوتی خاوی ویلایەتە یەكگرتوەكانی ئەمریكا بەتایبەتی، دابەزینێكی مێژوییان بەخۆوە بینی و هۆكاری ئەو دابەزینە لە نرخەكاندا گەڕێندرایەوە بۆ بڵاوبونەوەی ڤایرۆسی كۆرۆنا و داخستنی سنورە بازرگانییەكان.

ئەمە لەكاتێكدایە، لە سەرەتایی ئەم مانگەوە رێككەوتنەكەی ئۆپێك پڵەس كەوتە بواری جێبەجێكردنەوە، بەهۆیەوە رۆژانە 9 ملیۆن و 700 هەزار بەرمیل نەوت كەمكرایەوە، ئەمەش بووە هۆكاری جارێكیتر بەرزبوونەوەی نرخەكانی نەوت لە بازاڕەكانی جیهاندا.