وەزارەتی ئەوقافی هەرێم: یەکشەممە یەکەم ڕۆژی جەژنی ڕەمەزانە


وەزارەتی ئەوقافی هەرێمی کوردستان ڕایگەیاند، سبەینێ تەواوکەری مانگی ڕەمەزانە و یەکشەممە ٢٤ی نیسان یەکەم ڕۆژی جەژنی ڕەمەزانە.

ژیان_ هەولێر: وەزارەتی ئەوقاف و کاروباری ئایینی حکومەتی هەرێمی کوردستان لەکۆنگرەیەکی ڕۆژنامەوانیدا ڕایگەیاند، سبەینێ شەممە تەواوکەری مانگی ڕەمەزانە و ڕۆژی یەکشەممە یەکەم ڕۆژی جەژنی ڕەمەزانە.

لەو ‌ كۆنگره‌یه‌كی رۆژنامه‌وانیدا کە له‌ شاری هه‌ولێر سازکرا، لیژنه‌ی بینینی مانگ  لە وەزارەتی ئەوقاف و کاروباری ئایینی وتی "به‌هۆی ئه‌وه‌ی ئێواره‌ی ئه‌مڕۆ به‌ڵگه‌ی شه‌رعیمان له‌سه‌ر بینینی مانگ ده‌ستنه‌كه‌وتووه‌، بۆیه‌ رایده‌گه‌یه‌نین، سبه‌ی ته‌واوكه‌ری مانگی ره‌مه‌زانه‌ و دووسبه‌ی یه‌كشه‌ممه‌ یه‌كه‌م رۆژی جه‌ژنی ره‌مه‌زانه‌".

هاوکات کۆمەڵەی فیقهی عێراقی ئەم ئێوارەیە ڕایانگەیاند، لەبەر ئەوەی نەتوانراوە مانگی شەوال ببیرنێت، سبەینێ شەممە تەواوکاری مانگی ڕەمەزان دەبێت و ڕۆژی یەکشەممە ٢٤ی نیسان یەکەم ڕۆژی جەژنی رەمەزانە.

هەر ئەم ئێوارەیە هەریەکە لە تورکیا و قەتەر و سعودیە و مالیزیا ڕایانگەیاند، بەهۆی ئەوەی نەتوانراوە مانگ ببینرێت، سبەینێ تەواوکەری مانگی ڕەمەزانە و ڕۆژی یەکشەممە ٢٤ی نیشان یەکەم ڕۆژی جەژنی ڕەمەزانە.