عێراق.. تووشبوون بە کۆرۆنا ژمارەی پێوانەیی تۆمارکرد لە چاو ڕۆژانی ڕابردوودا


وەزارەتی تەندروستی و ژینگەی عێراق ڕایگەیاند، بە تەنها لەمڕۆدا ٣٠٨ کەسی دیکەی  تووشی ڤایرۆسی کۆرۆنا بوون و ٥ کەسیش گیانیان لە دەستداوە.

ژیان_ بەغدا: لە ڕاگەیەندراوێکدا وەزارەتی تەندروستی عێراق بڵاویکردەوە، تاقیگەکانی تایبەت بە پشکنینی ڤایرۆسی کۆرۆنا، ئەمڕۆ ٣٠٨ تووشبووی نوێیان تۆمارکردووە بەم شێوەیەی خوارەوە:

بەغدا بە تەنها ٢٧٤ تووشبوونی نوێی تیا تۆمارکراوە لە  بەسرە ٦ کەس و نەجەف یەک کەس و سلێمانی ٧ کەس و هەولێر ١ کەس و دهۆک ١ کەس دیالە ٣ کەس و کەربەلا ٣ کەس و موسەنا ٥ کەس واست ٦ کەس و سەلاحەدین ١کەس.

هەر لە ڕاگەیەندراوەکەی وەزارەتی تەندروستی عێراق ئاماژە بەوەشکراوە، لە ماوەی ٢٤ کاتژمێری ڕابردوودا ٥٣ کەس لە ڤایرۆسەکە چاکبوونەتەوە و گەڕاونەتەوە ماڵەوە.

ئاماژەی بەوەشکردووە، لە ماوەی ٢٤ کاتژمێری ڕابردوودا ٥ کەس بە ڤایرۆسەکە گیانیانلەدەستدا و هەمووشیان لە بەغدا بوون.

لە عێراق ٤ هەزار و ٢٧٢ کەس تووشی ڤایرۆسی کۆرۆنا بوون و ٢هەزار و ٥٨٥ کەسیش چاکبوونەتەوە و لە ئێستاشدا هەزار و ٥٣٥ کەسیش لە نەخۆشخانە ماون و تا ئێستاش ١٥٢ کەسیش بە ڤایرۆسەکە مردوون.