میدیاکانی ئەمریکا بڵاویانکردەوە، کە هێرشی ئەلیکترۆنی لەسەر یەکێک لە گەورەترین بۆرییەکانی سوتەمەنی هەیە و بەهۆیەوە لە ١٧ ویلایەتی ئەمریکادا کۆشکی سپی باری لەناکاوی راگەیاندووە، کە ویلایەتەکان بریتین لە: "ڤێرجینیا، ماریلاند، دیلاوێر، ئەرکینساس، فلۆریدا، جۆرجیا، کنتاکی، لویزیانا، میسیسیبی، نیوجێرسی، نیویۆرک، کارۆلینای باکور، پەنسیلڤانیا، کارۆلینای باشور، تینیسی، تەکساس و ئالاباما."

کۆشکی سپی رایگەیاندووە، کە لێکۆڵینەوەکانیان دەسپێکردووە و ناسنامەی هێرشبەرە ئەلیکترۆنییەکان دیار نییە لە ئێستادا، ئەوەشیان خستووەتەڕوو، کە لێکۆڵینەوەکان هێشتا لەل قۆناغەکانی سەرەتادان.

ئەو بۆرییە سوتەمەنییە بە یەکێک لە گەورەترین بۆرییەکانی هەڵگری سوتەمەنی دادەنرێت و هەریەکە لە بەنزینی ئۆتۆمبێل و فڕۆکە و دێزڵی تێدایە، کە رۆژانە بڕی ٢.٥ ملیۆن بەرمیل واتە ٪٤٥ی پێداویستی کەناراوەکانی رۆژهەڵاتی ئەمریکا پڕدەکاتەوە.