بەهۆی کەوتنى بەشێکى زۆریان لە تاقیکردنەوەکاندا خوێندکارانی زانکۆی سەلاحەدین گردبووەنەوە و داوای پێداچوونەوە بە نمرەکانیاندا دەکەن.
ئەو خوێندکارانە کە لە بەردەم زانکۆکە گردبوونەوە ڕایانگەیاند، بەهۆی خراپی دۆخ و ئاستی خوێندن زۆرینەیان دەرنەچوون و ڕێژەی دەرچوون لە زانکۆکە %8ـە و دەڵێن "غەدرمان لێکراوە ."
دەشڵێن "لێرە ناتوانین قسە بکەین و ڕەخنە بگرین، بچوکترین قسە دەکەین مامۆستاکان توڕە دەبن و قسەمان پێدەڵێن ."
ئەو خوێندکارانە ڕاشیانگەیاند، لەمساڵدا ماوەی ٧٠ رۆژ بەشەناوخۆییان پێنەدراوە و نەیانتوانیوە هاوشێوەی قوتابیانی ناوشار لە خوێندن بەردەوامبن و ئامادەی ناو هۆڵەکانی خوێندن بن و بۆیە بەوهۆیەوە بەشێکی زۆریان لە چەند وانەیەکدا کەوتوون.