پاش ئەوەی شەوی رابردوو ئاگر لە نەخۆشخانەی (ئەلحوسەین) تایبەت بە چارەسەکردنی تووشبوانی کۆرۆنا لە پارێزگای زیقار کەوتەوە، بەوهۆیەشەوە ژمارەی مردوان و برینداران بەردەوام بوو لەبەرزبوونەوە و، سەرلەبەیانی ئەمڕۆش ژمارەی ئەو کەسانی گیانیان لەدەستداوە گەشتە 70 کەس.
سەرچاوەیەکی تەندروستی پارێزگای زیقار ڕایگەیاند، بەهۆی دۆخی ئاگرکەوتنەوەکەوە و گەورەیی ئاگرەکەوە، بەڕێوەبەری گشتی بەرگری شارستانی بەڕێکەوتووە بۆ پارێزگای ناسریە .
سەرچاوەکە ئاماژەی بەوەشکردووە، ئاگر کەوتنەوەکە بەهۆی تەقینی ٣ بوتڵی ئۆکسیجینەوە کەوتووەتەوە .
ئەوەش لە کاتێکدایە، ڕۆژی ٢٥ی مانگی ئایاری ڕابردوودا، ئاگرێک لە نەخۆشخانەی ئیبن خەتیبی ڕۆژهەڵاتی بەغدا کەوتەوە، کە تایبەت کرابوو بە چارەسەرکردنی نەخۆشانی کۆرۆنا، لە روداوەکە ٨٢ کەس گیانیان لەدەستدا و دەیان کەسی دیکەش بریندار بوون .
لەسەر روداوەکەش حکومەت حسین تەمیمی وەزیری تەندروستی پیشووی عیراق و چەند لێپرسراوێکی دیکەی کەرتی تەندروستی لە نەخۆشخانەکە و وەزارەتی تەندروستی لە پۆستەکانیان دوورخستەوە.